"Mamartut Festival" Katuami arfinngornermi septemberip ulluisa 17-iani nalunaaqutaq 12:00-imiit 18:00-ip tungaanut ingerlanneqartussaasoq peqqinnermut tunngasunik sammiveqartoq assiginngortsorpassuarnik meeqqat peqataaffigisinnaasaannik sammisassaqartitsiffiussaaq.

Royal Greenlandip Nunatsinni tunisassianik tuniniaavia ilaatigut meeqqanik saarullinnik tisatitsilluni aammalu raajanik qalipaajaatitsilluni Mamartut Festivalimi sammisassaqartitsissaaq. Meeqqat saarulliit tisareerunikkit Katuap silataani grillerivinni tisaaminnik grillerinissaminnut periarfissaqassapput.

Mamartut Festivalimut orniguttut aamma Royal Greenlandip Nunatsinni tunisassianik tuniniaaviata tunisassiaanik assigiinngitsunik ussiinissaminnut periarfissaqassapput.

Aaqqissuussineq Peqqissutsimut Naalakkersuisoqarfimmit aaqqissuunneqartoq Inuuneritta II –mi meeqqat peqqissuunissaannut suliniummut attuumassuteqarpoq.

Royal Greenlandip Nunatsinni tunisassianik tuniniaavia Nuummi suliffeqarfiit allat peqatigalugit Mamartut Festivalimi sammisassaqartitsissaaq.

Allattoq: Inga Egede, ineg@royalgreenland.com

Asseq

 
 

Royal Greenland aperiguk

i
Write the text from the image