- Maniitsumi innuttaasunik ataatsimiisitsineq ajunngitsumik inerlavoq. Maniitsumi Royal Greenlandip tunisassiorfiani sulisussanik avataaniit sulisussassarsiortariaqarsimaneq Maniitsumi innuttaasunik ataatsimiisitsinermi saqqummiunneqarmat innuttaasut ataatsimiisitsinermi peqataasut akuersaarnertik ersersippaat, Royal Greenlandimi Suliffeqarfissuarmi sulisoqarnermi ingerlatsisoq Søren Olsen Damgaard oqarpoq.

Søren Olsen Damgaard aamma oqarpoq Maniitsormiut ataasinngormat katersortarfimmut takkuttut Royal Greenlandip avataaniit tikisitsilluni sulisussarsiortariaqarsimanera pisariaqartoq paasilluaannarnagu aamma Maniitsumi Royal Greenlandip tunisassiorfiani nutaaliorluni suliniuteqarnera soqutiginninnertik takutimmassuk illoqarfimminni Royal Greenlandip tunisassiorfiata ingerlalluarnissaa soqutigalugu ersersikkaat.

- Innuttaasunik ataatsimiisitsinermi Royal Greenlandip avataaniit tikisitsiniarnera pillugu paasinninneq aamma Royal Greenlandip nutaaliorluni Maniitsumi tunisassiorfimmi suliniuteqarnera pillugu innuttaasut soqutiginninnermikkut tunisassiorfiup ingerlalluarnissaa soqutigisaralugu ersersimmassuk, ataatsimiisitsinermi Royal Greenlandi sinnerlugu peqataasugut nuannaarutigisorujussuuarput, Søren Olsen Damgaard oqarpoq.

Ukioq manna sulisussat kiinameersut katillugit 38-it Royal Greenlandip sulisorissavai. Qasigiannguani Uummannamilu Royal Greenlandip tunisassiorfiini sulisut tamarmik kiinamiunik qulingiluanik suleqatitaartussaapput. Tamannalu pillugu unnugu, 27. April 2017, Royal Greenladimi atorfillit Uummannami innuttaasunik ataatsimiisitsissapput. Innuttaasunik ataatsimiisitsineq pissaaq katersortarfitoqqami nalunaaqutaq 19:00-imit 20:45-mut.

Allattoq: Inga Egede, ineg@royalgreenland.com

Assit: Mikkel Krogh Søndergård

Asseq

 
 

Royal Greenland aperiguk

i
Write the text from the image