Royal Greenlandip aningaasanik tapiffissuteqarneratigut angallatiminnik nutarterinissamut, angallatitaarnissamut imaluunniit aalisarnermi atortunik nutaanik pisaarnissamut nunatsinni aalisartut periarfissaqalersut Nuka Nielsen ilagaat.

2011-miit mannamut aalisartut 100-it sinneqartut Royal Greenlandimiit aningaassaliiffigineqarnermikkut angallatiminnik nuterterinissamut, nutaanik angallatitaarnissamut imaluunniit aalisarnermi atortunik pisaarnissaminnut periarfissinneqarput.

- Aningaasanik atukkiinikkut tapiisarneq ukiorpassuarni atuuppoq, kisianni ukiuni kingullerni suliffeqarfiup pilersaarusiorlugu anguniagaa tunaartaralugu anguniagaqarnitsinni aalisartunut tapiissarneq aaqqissuussaanerusumik ingerlannqalerpoq, taama oqarpoq Royal Greenlandimi tunisassialerinermi ingerlatsisoq Sten Sørensen.

- Royal Greenlandip pilersaarusiorlugu anguniagaa The North Atlantic Champion qaleralinnik, raajanik, saattuanik aamma saarullinnik tunisassiornermik aallussinissamik anguniagaqarneq aallaavigalugu aalisarnermi tunisassiornermilu aningassaliinerit ingerlanneqarput.

2016-imi angallatiminnik nutarteriniartunut, angallatitaarniartunut imaluunniit aalisarnermi atortutaarniartunut aalisartunut 17-inut Royal Greenlandi aningaasaliivoq. Tapiissuteqarnerup saniatigut aalisartut allaffissornikkut suliaqarneranni, pisortaqarfinnut saaffiginninneranni aamma suleqatigisanut allanut saaffiginninneranni ikiuuttunik aalisarnermut siunnersortit suliaqartinneqarput.

Iluaqutit

Aalisartut ataasiakkaat pisinermi pisiap akiata sisamararterutaanik namminneq akilersinnaasut, pisortanut akiitsoqanngitsut aamma piffissap aalajangersimasup iluani akiitsunik akilersuisinnaasut Royal Greenlandimit tapiiffigineqarnermi piumasaqaataapput.

Nuka Nielsen 2015-imi angallateeqqamik Poca 570-imik motorimillu pisinialerami Royal Greenlandimit aningaasatigut tapiffigineqarpoq.

- Royal Greenlandimi aalisarnermi siunnersortimik oqaloqatigeqqaarninniit qaammatit pingasut qaangiummata angallateeraq motorerlu tiguakka. Angallateerartaarnera aalisarlunga inuussutissarsiuteqarninnut sunniuteqaqaaq. Royal Greenlandimut isumaqatigiissuteqarlunga angallatitaarnera motoritaarneralu uannut aningaasatigut iluaqutaavoq. Pitsaaqutaasa ilagaat aningasaliissutaasut erniaqaratik sullissinermut aningaasartuutit kisimik akiligassaammata, Nuka Nielsen oqarpoq, nangipporlu:

- Iluaqulli malunniuteqarnerpaaq tassaavoq silamik peqquteqartumik pisakilliorsimaguma akitsunnut akiliinngikkallarlunga pisaqarlualeraangama akilersuisinnaanera.

Allattoq: Inga Egede, ineg@royalgreenland.com

Assit: Nammineq pigisat.

Asseq

 
 

Royal Greenland aperiguk

i
Write the text from the image