Aningaasanik tapiissuteqarnissamut isumaqatigiissut ukiuni pingasuni atasussaq 600.000 koruuninik aningaasartaqarpoq. Aningaasat tapiissutigineqartut 200.000 koruunikkaarlugit ukiut tamaasa tunniunneqartassapput.

Finn Meinelip Royal Greenlandip aningaasanik tapiissuteqarnera nuannaarutigaa ingammik ukiut ataasiakkaartumik isumaqatigiissusiortoqarnani sivisunersumik atasussamik isumaqatigiissusiortoqarnera iluarisimaarpaa.

- Isumaqatigiissusiornerput iluarisimaaqaara, ingammik ukiuni pingasuni atasussamik isumaqatigiissusiorneq iluarisimaarnarpoq, taamalillutami piffissaq ungasinnerusoq tunaartaralugu pilersaarusiorsinnaanngoratta, Finn Meinel oqarpoq.

Royal Greenlandip pisortaanera Mikael Thinghuus oqarpoq Royal Greenlandi nammineq piumassutsimik inuiaqatigiinni peqqinnerusumik inuuneqarnissaq anguniarlugu suliniartut tapersissallugit pissusissamisoortoq.

- Timersornermik aallussaqarneq timikkut tarnikkullu oqimaaqatigiissumik inuuneqarnermik pilersitsisarmat timersorneq aqqutigalugu peqqinnerusumik inuuneqarnissaq anguniarlugu suliniuteqartoqartoqarnerani tapiisinnaagatta nuannaarutigaarput, Mikael Thinghuus oqarpoq.

Allattoq: Inga Egede, ineg@royalgreenland.com

Asseq: John David Eriksen.

Asseq

 
 

Royal Greenland aperiguk

i
Write the text from the image