Unnuk Kulturisiorfimmi Inuuteq angajoqqaanilu Royal Greenlandimi isersimaarnerminni apeqqutit 13-it immersorlugit akisimavaat.

- Royal Greenlandip tip 13-imi unammisitsineranni eqquinini Inuutip nuannaarutigisorujussuuaa. Eqquiniaanerit pikkoriffigigamigit Pinngortitaleriffiup Unnuk Kulturisiorfimmi unammisitsineranni aamma ajugaagami plakatinnappoq, Inuutip angutaa, Lars Vinter oqarpoq.

Tip 13-imi unammisitsineq Royal Greenlandi pillugu apeqqutinik akisassartaqarpoq. Royal Greenlandip allaffiani, tunisassiorfimmi kiisalu kilisaammi Tuugaalimmi paasissutissat nivingaassorneqarsimasut aallaavigalugit tip 13-inim apeqqutit akineqarsinnaapput. Aamma mobili atorlugu paasissutissat scannersinnaaneri periarfissaavoq.

Inuutikkut angajoqqaanilu apeqqutit aqqaneq marluk eqqortumik akisimagamikkit eqqugassat pingasuusut makinneqarneranni immersugaat ilaatinneqarpoq.

- Tip 13-mi unammisitsinermi apeqqutit nalunarput, kisiannili Royal Greenlandip allaffeqarfiani aliikkusersoqatigiinnitsinni apeqqutit ataatsimoorluta akivagut, Lars Vinter oqarpoq.

Royal Greenlandimi Unnuk Kulturisortitsisoqarnerani Tip 13-imi eqqugassat allat ukunanit eqqorneqarput:

  • Ajugaasutut akissarsitinneqarpoq Pernille Nielsen. Pernille Nielsenip eqqorpai raajat karsit, saattuat karsit aammalu Nutaaq Cod karsit.
  • Ajugaasut pingajuattut akissarsitinneqarpoq Peter Rasmussen. Peter Rasmussenip Nutaaq Cod karsit eqqorpai.

Inuit 176-it Royal Greendip Tip 13-mi unammisitsineranni immersuisimapput. Immersukkat eqqortumik akineqarsimeri allaavigalugit immikkoortiterneqarput. Eqqortunik 13-inik akissuteqartoqanngilaq immersuisulli 16-it apeqqutinik eqqortunik aqqaneq marlunnik akisimapput. Ajugaasutut akissarsitinneqartussaq aqqaneq marlunnik eqquisut akornanni makinneqarpoq. Ajugaasut aappaattut makinneqartoq akissutinik eqqortunik aqqanilinnik aqqaneq marlunnillu akissuteqartut akornanni makinneqarlutik. Ajugaasut pingajuat akissutinik eqqortunik qulingiluaniit aqqaneq marlunnik eqquisut akornanni makinneqarpoq.

Allattoq: Inga Egede, ineg@royalgreenland.com

Foto: John David Eriksen

Asseq

 
 

Royal Greenland aperiguk

i
Write the text from the image