Aammaarluni ukioq manna Royal Greenland Unnuk Kulturisiortitsisoqarnerani Nuummi innuttaasunit alakkarneqarsinnaassaaq.

Ukioq manna Unnuk Kulturisiortoqarnerani Royal Greenlandimi assiginngitsunik misigisassaqartisioqarlunilu kilisaammut Tuugalimmut takornariartoqarsinnaassaaq. Tuugalik Nuup umiarsualiviani tulaqqasoq nalunaaqutaq 15:00-imiit 19:00 –ip tungaanut takornarniarneqarsinnaassaaq.

Royal Greenlandimi Unnuk Kulturisiorfiup ingerlanneqarnerani assigiinngitsutsigut misigisassarsiortoqarlunilu nerisassanik ussiisoqarsinnaassaaq. Taamatuttaaq Royal Greenlandimi ilinniarfiusinnaasunik paasassarsiortoqarsinnaassaaq kiisalu erinarsortartoq Nina tusarnaariarneqarsinnaassalluni.

Misigisassat assiginngitsut saniatigut unammisitsinerit nerisassanik imaaneersunik eqqugassartalinnik eqquisoqarsinnaassaaq. Ukioq manna aammaarlutik meeqqat titartaanermut unammisitsinermi peqataasinnaapput aamma fiskerdamimi eqqugassaqartinneqassallutik.

Royal Greenlandip allaffeqarfianut isertut igasup suppaliaanik aamma pindemadinik sassaalliiffigineqasaapput. Royal Greenlandip tunisassiorfianut isertut raajanik qalipaajaanermi- aamma tisalluni unammisitsinermi peqataannginnerminni Royal Greenlandip tunisassiaanik mamartunik ussiisinnaassapput. Raajanik qalipaajaanerni tisanermilu unammisitsinerni eqquisut raajaniik, saattuanik aammalu saarullinnik tisaanik Nutaaq Cod-inik eqqugassaqassapput.

Pingajussaa

Unnuk Kulturisiortitsisoqarnerani ukiut pingajussaa Royal Greenlandi Nuummiunit orninneqarsinnaalluni matuni ammassavai. Isertut ukioq manna aammaarlutik Tip 13-imi unammisitsinermi peqataasinnaapput, ukioq mannali Tip 13 –imi eqquiniaatitsinermi periutsit allaapput. Tip 13-imi eqquiniaasitsinermi apeqqutit akiniarnerini paasissutissat sumiiffinni pingasuusuni, tassalu allaffeqarfimmi, tunisassiorfimmi Tuugaalimmilu nivingasut mobilikkut scannerneqarsinnaassapput kingusinnerusukkullu ingilluni kaffisorujuujutigaluni imaluunniit suppatuutigaluni apeqqutinik akisassanik immersugassaq immersorneqarsinnaassaaq.

Tip 13-imi eqqugassaq pingaarneq tassaavoq raajat saattuallu. Eqqugassap aappaa tassaallutik raajat aammalu Nutaaq Cod. Eqqugassat pingajuat tassaapput nerpiit Nutaaq Cod.

Erinarsortartoq Nina nalunaaqutaq 15:30-imiit nalunaaqutaq 17:30 tungaanut Royal Greenlandip allaffeqarfiani Qasapi 4-mi aliikkusersuissaaq.

Maniitsumi Upernavimmilu Royal Greenlandip tunisassiorfii aamma Unnuk Kulturisiorfimmi iserusuttunut tikilluaqqusipput.

Nuummi Royal Greenlandimi Unnuk Kulturisorfimmi pisussat alakkarsinnaavatit uani

Allattoq: Inga Egede, ineg@royalgreenland.com

Foto: RG

Asseq

 
 

Royal Greenland aperiguk

i
Write the text from the image