Nuugaatsimi ajunaarnersuaqarnerani eqqugaasut katersuiniunneqarnerat ippassaq juulip sisamaani killeqartinneqarnera eqqorlugu Royal Greenlandimi sulisut katersuiniarnermut 97.423 koruuninik tunnissuteqarput. Aningaasat tunisassiorfinni 37-usuni, kilisaatini aammalu Nuummi qullersaqarfimmi sulisut akornanni katersuiniarnermi pissarsiarineqarput.

- 97.000 koruunit angusatut kusanarluinnarpoq, tamatumuunalu Royal Greenlandimi sulisut Uummannap eqqaani tassaarsuaqarnerani eqqugaasunut, pingaartumillu Nuugaatsiarmiunut misiginneqataanertik ersersippaat, Sulisoqarnermi Ingerlatsisoq Christian Laursen oqarpoq.

Katersuiniarnissamik pilersaaruteqarneq Royal Greenlandip sulisuminut paasissutissiisarfiatigut nalunaarutigineqarpoq. Katersuiniarnermilu sulisut atsiornermikkut akissarsiatigut ilanngaatsissinnaanertik piginnaatitsissutigaat.

- Tassaarsuaqariitsiartorlu, pingaartumillu Nuugaatsiap qanoq eqqorneqartiginera paasinarsimmat, Royal Greenlandimi ikiuiniarluni iliuusissat aallartinneqarput, taakkununngalu ilaavoq sulisut katersuiniarnerat. Katersuiniarnermilu inernerusoq isumaqarpunga tulluusimaarutigilluarsinnaagipput, Christian Laursen oqarpoq.

Royal Greenland nunarsuaq tamakkerlugu 2.769-inik sulisoqarpoq, taakkunanngalu 1.401-it Kalaallit Nunaanni sulisuupput.

Allattoq assiliisorlu: Káte Hansen, kaha@royalgreenland.com

Asseq

 
 

Royal Greenland aperiguk

i
Write the text from the image