- Saligaatsup illoqarfimmi sallititsineranut atatillugu Royal Greenlandimi sulisut 15-it Qinngorpumi saliipput. Seqinnarissuup ataani suleqatigiit saliinerminni ualeq nuannersumik atoramikku ulloq saliiffik suleqatigiit ataatsimoorfigilluarpaat, Royal Greenlandimi CSR-imik immikkoortortaani avatangiisinut tunngasunik suliaqartoq Thomas Alsted oqarpoq.

Ualip ingerlanerani puussiarsuit 20-it, cykilit ataatsit eqqagassallu allat suleqatigiit Qinngutsinni kuup eqqaani saliinerminni katersorpaat.

Ukioq manna plastikkinik imaanut eqqaasarneq taakkulu uumasut nerisareqatigiinnerannut aamma pinngortitami ataqatigiinnermut sunniutigisartagai Saligaatsup ukioq manna illoqarfimmi saliititsinerani qulequtaritinneqarput.

- Saligaatsup lloqarfimmi saliititsineratigut illoqarfitsinni eqqakkat annikillitinneqaannanngillat, aamma maangaannaq eqqaasarneq ukkatarineqalerpoq, Thomas Alsted oqarpoq.

Ukioq manna Saligaatsup illoqarfimmi saliititsinerani suliffeqarfiit 40-it missingi peqataammata Nuummi inuit aatsaat taama amerlatigisut saleeqataapput.

Assiliisut: John David Eriksen & Thomas Alsted

Asseq

 
 

Royal Greenland aperiguk

i
Write the text from the image