Suleqatigiinnerat marlunnik isumaqatigiissusiorfiuvoq. Siullermik Royal Greenland siunissaq ungasinnerusoq eqqarsaatigalugu Espersen Royal Greenlandip niuerutigisartagassaanik natermiunik, aalisakkanik qaqortumik nerpilinnik aamma atuisut piumasaat tunngavigalugit tunisassianik ineriartortitanik tunisassiortassasoq isumaqatigiissutigineqarpoq. Aappaassaanik Royal Greenlandip Koszalinimi tunisassiorfia Polenimiittoq 1000-t missaannik sulisoqartoq Espersenimit pisiarineqarnera pillugu isumaqatigiissutigineqarpoq.

Isumaqatigiissut Royal Greenlandip ingerlatseqatigiiffittut pissuseqatigiiaanik Atlantikup Avannaata imartaaneersunik soorlu raajanik issittup imartaaneersunik, saattuanik, qaleralinnik aamma saarullinnik Kalaallit Nunaata imartaaneersunik aalisarnermik kilisannermillu, tunisassiornermik, tuniniaanermik nittarsaaassinermillu ukkassaqarnerulernissaanut taakkununngalu aningaasaliissuteqarnerulernissaanut periarfissaqalersitsivoq.

Isumaqatigiissut Espersenip ineriartortitsiffiusumik suleqatigiinneq tunngavigalugu aalisakkanik tunisassianik assigiinngiiaartunik ingerlatseqatigiiffiup nunani tamalaani pisisartuinut neqerooruteqartalersinnaanissaanut iluaqutaassaaq.

  1. Espersen A/S-imi pisortaaneq Klaus Nielsen ima oqarpoq:

“Suleqatissatut patajaalluinnartutut isigineqarluta Royal Greenlandimit tutsuigineqarnerput usorsisimaarutigalugulu nuannaarutigaarput. Suleqatigiilernitsigut niuertarfeqarfinnut igaffissuaqarfinnullu niueruteqartartuni siuttunngornissatsinnut anguniakkatta angunissaanut atortorissaarutissaqalerpugut. Natermiunik tunisassianillu ineriartortitanik tunisassiornitsinni naammassisaqarsinnaallualernerput pisinnaasaqarluarnerulernerpullu aalisakkanik tunisassiortartuni siuttuunitsinnik annertusinerulersitsillunilu patajaallisisitsissaaq taamatuttaaq aalisakkat nerpiinik tunisassianik aammalumi tunisassianik ineriartortitanik assigiinngiiaartunik tamakkiisumik tunisassiortartutut suleqatiserineqarsinnaasutut anguniakkatta anguneranut tunngaviuvoq.”

Royal Greenland A/S-imi pisortaaneq Mikael Thinghuus ima oqarpoq:

“Isumaqatigiissuteqarnerput Polenimilu tunisassiorfiutitsinni aallussatsinnik Espersenimut ingerlatitseqqiinerput nuannaarutigisupilussuuarput. Espersen ukiorpassuarni ilisimavarput, pingaartitavut assigiipput qularinngilarpullu suleqatigisassatsinnik eqqortumik toqqaalluta. Koszalinimi tunisassiat pisisartutsinnut amerlasuunut Royal Greenlandimullu pingaaruteqarput, taamaammat tunisassianik qaffasilluinnartumik pitsaassusilinnik, piffissaq eqqorlugu akigissaartunillu pilersuisinnaasumik tutsuigisatsinnik suleqateqarnissarput pingaartilluinnarparput.

 

Espersenip Koszalinimi sanilereriikkatta assigiinngitsunik tunisassiornermik pisisartutsinnut sulisunullu iluaqutaasumik uagutsinnit pitsaanerusumik siunissami ingerlatsisinnaasoq qularinngilarput. Royal Greenland taamaalilluni aalisakkanik Atlantikup Avannaata imartaaneersunik nunarsuarmi niuerfinnut assigiinngitsunut tunisaqarnerulernissamik ukkassinerulersinnaanngussaaq.”

 

Isumaqatigiissut piginnittunngornerlu 1. septembari 2017-imi atuutilissapput.

Royal Greenlandip tunisassiorfiutaata aaqqissuussaanerata tassanilu aqutsinerup tungaatigut allannguisoqarnavianngilaq taamatuttaaq Royal Greenlandip Koszalinimi tunisassiorfiutaa Espersenillu Koszalinimi aalisakkat nerpiinik tunisassianillu ineriartortitanik tunisassiorfiutai marluk 1350-init amerlanerusunik sulisoqartut tapertariilissapput. Ingerlatseqatigiiffiit marluk pineqartut tunisassianik ineriartortitanik tunisassiorsinnaassusaat annertoqatigiingajapput. Suleqatigiinnerat pissutigalugu Espersen Koszalinimi sulisitsisunut annerpaanut akuulissaaq.

Royal Greenlandip Koszalinimi tunisassiorfimmi tunisasssiassanik pisiortortarnini pilersuisarninilu ingerlatiinnassavai.

Paasissutissat Espersenip Koszalinimi pingaarnertut aallussanik atuisunullu tunisassianik tunisassiorfiinut tunngasut

Paasissutissat Royal Greenlandip Koszalinimi tunisassiorfiutaanut tunngasut

Saarullinnik, misaqqarnanik saarulliillu ilaannik sej-inik tunisassianik annikitsukkaarlugit poortukkanik, qerisunik nillataartitassanillu igaffissuaqarfinnut niueqatigisartakkanullu tunisassiorneq.

Natermiunik aalisakkanillu ataasiakkaanik qaqortumik nerpilinnik tunisassianik qerisunik annikitsukkaarlugit poortukkanik, igaffissuaqarfinnut niueqatigisartakkanullu tunisassiorneq.

Sulisut 1350-iupput

Sulisut 1000-upput

Espersen Koszalinimi 1994-imi

tunisassiortalerpoq

Royal Greenland Koszalinimi 2008-mi tunisassiortalerpoq

Pingaarnertut aallussanik tunsiassiorfimmi ingerlatsisoq: Jakup Thomsen

Atuisunut tunisassianik tunisassiornermi ingerlatsisoq: Norbert Woron

Tunisassiorfimmi ingerlatsisoq: Meinhard Jacobsen

Paasisaqarnerorusukkuit qinnuigaatsigit ataani allassimasut attavigissagitit:

Klaus B. Nielsen, A. Espersen A/S-imi pisortaaneq, +45 4030 1462, email: klaus.b.nielsen@espersen.com

Mikael Thinghuus, Royal Greenland A/S-imi pisortaaneq, +45 5089 3000, email: mthi@royalgreeenland.com

Asseq

 
 

Royal Greenland aperiguk

i
Write the text from the image