- Erngup aqqutaata qaqqap sisoornerata kingunerisaanik ippassaq ullup-qeqqata missaani aserornera pissutigalugu Ukkusissat imeerummat tunitsivimmi sulisut ippassaammat tunisat tamakkerlugit tunisassiarereersimavaat. Taamaammat tunisassianik maangaannartitsinngilagut Uummannamulluunniit aamma assartuinngilagut, Ukkusissani tunitsivimmi aqutsisuugallartoq Eva Olsen oqarpoq, ilimagaalu aalisartut tunitsivimmut sapaatiuppat tunisisinnaanngoqqissasut.

- Nunaqarfik ullumikkut tallimanngornerup ingerlanerani imeqaleqqissangatinneqarmat ilimagaara aalisartut Royal Greenlandip tunitsiviutaanut sapaatiuppat tunisisinnaanngoqqissasut.

Taamatuttaaq Ukkusissani Nukissiorfiit-mi nakkutilliisup Peter Petersenip uppernarsarpaa, erngup aqqutaanut kingoraartissat Ukkusissanut tikeriarpata ilimanartoq nunaqarfik imeqaleqqissasoq.

- Erngup aqqutaanut kingoraartissat Uummannamiit tikinnissaat utaqqimaarpagut. Kingoraartissat Ukkusissanut ualeru tikissagunarmata nunaqarfik erngup aqqutaata iluarsaanneqareernerata kinguninngua – immaqa ullumikkut – imeqaleqqissasoq ilimagaara, Peter Petersen oqarpoq.

Aalisartut 40-t missaat Ukkusissaneersut Royal Greenlandip Ukkusissani tunitsiviutaanut - 15-inik sulisoqartumut - tunisisarput.

Allattoq: Inga Egede, ineg@royalgreenland.com

Asseq: RG

Asseq

 
 

Royal Greenland aperiguk

i
Write the text from the image