Tikilluaqqulluarneqarput

- Suleqatitaavut Kinameersut nereqatigiinnermut peqataannginnerminni aamma illoqarfimmi tunisassiorfimmilu takornarniartinneqannginnerminni Royal Greenlandip tunisassiorfianeersunik kiisalu Qeqqata Kommuneaneersunik mittarfimmi tikilluaqquneqarput, Royal Greenlandip Maniitsumi tunisassiorfiani ingerlatsisoq Susanne Marie Knudsen oqarpoq.

Kinamiut tikerlaat tunisassiorfimmi sulilereerput, tamarmillu immikkut piffissani assigiinngitsuni suliartortarfeqarput aamma tunisassiorfimmi suleqatitaarisaminnit tikilluaqqulluarneqarput.

- Maniitsumi tunisassiorfimmi sulisut suleqatitaatik Kinameersut tikilluaqqulluarpaat aamma kalaallit oqaasiinik ilikkalertupallanniassammata kalaallisut oqaluuttarpaat, kalaallisullu oqallattaalereerput, Susanne Marie Knudsen oqaluttuarpoq, nangipporlu:

-Suleqatitaatta Maniitsumiinnertik tunisassiorfimmilu sulinertik nuannarinerarpaat. Taamatuttaaq tunisassiorfiup nerisarfiani nerisassat sassaalliutigineqartartut mamarilluinnarnerarpaat, initaatillu aamma naammagisimaarnerarpaat. Minnerunngitsumillu suleqatitaavut Maniitsumi innuttaasunit tikilluaqqulluarneqarput, Susanne Marie Knudsen oqarpoq.

Kinamiut allat qulit Royal Greenlandip Maniitsumi tunisassiorfianut suliartortussat sapaatip-akunneri marluk missaat qaangiuppata tikissapput.

Allattoq: Inga Egede, ineg@royalgreenland.com

Asseq

 
 

Royal Greenland aperiguk

i
Write the text from the image