Ningittagarsuut Ice Trawl Greenland A/S-imit pigineqartoq aalisakkat maannamut annerpaamik ullormut 33 tonsit qeritillugit tunisassiarisimavai. Masilik Sisimiut eqqaani qaammat ataasiugallartoq tunitsivittut atuutissaaq.

- Masilik Sisimiut eqqaani majip 22-iani tunitsivittut atuutilerpoq, taamatullu atuukallassaaq tunitsivittut atuunnerata akilersinnaassusia naapertorlugu. Aalisakkat qaffasissumik pitsassusillit qeritillugit naleqquttumik akeqartillugit tunisinnaanissaat anguniarneqarpoq, taama oqarpoq Ice Trawl Greenland A/S-imi siulersuisuni siulittaasoq Ove Rosing Olsen.

Aalisartut piniartullu kattuffiat KNAPK, Royal Greenland aamma Masilimmilu inuttat sinniisaat suleqatigiillutik pilersaarusilornerisigut tulaassinermi maleruagassaq naapertorlugu Sisimiuni Sarfannguanilu aalisartut Royal Greenlandip tunitsiviinut Masilimmullu tulaassisarnerat paarlakaajaattumik ingerlanneqarpoq.

- Sisimiuni Sarfannguanilu aalisartut paarlakaajaattumik Royal Greenlandip Sisimiuni Sarfannguanilu tunitsiviinut aammalu Masilimmut tunisisarput. Ataatsimiisitaliaq pilersinneqartoq suleqatigalugu aalisartut tulaasissarnerat aaqqissuunneqarnikuummat tunisisarneq eqqarsaatigalugu aalisartut tamarmik assigiimmik periarfissaqartinneqarput, Ove Rosing Olsen oqarpoq.

Aalisakkat Masilimmut tunisat umiarsuarmi niaqui piaarneqarlutik qeritinneqartarput. Masilik 18-inik inuttaqarpoq.

Allattoq: Inga Egede, ineg@royalgreenland.com

Asseq: RG

Asseq

 
 

Royal Greenland aperiguk

i
Write the text from the image