Aviisi immikkut sammisaqarfiusoq ateqartoq Royal Greenland: Nunatsinni suliffeqarfiit annersaat aviisini marlunni nuna tamakkerlugu saqqummersartuni AG-mi aamma Sermitsiami ilanngussatut saqqummerpoq. Aviisi 32-nik qupperneqartoq suliffeqarfiup susassaqarfippassuisa ilaannik allaaserisaqarfiuvoq.

Royal Greenlandip Uummannami tunisassiorfiata nutarterneqaqqammernerata kingunerisaanik illoqarfimmi nunarfinnilu tulaassuisoqarnerulerlunilu tunisassiortoqarnerulerneragut Uummannap pigisaani pisut ilaatigut atuarneqarsinnaapput. Tunisassiorfimmi ingerlatsisoq, sulisut minnerunngitsumillu aalisartut pisaminnik tunisassiorfinnut tulaassuisartut tunisassiorfiup ammaqqinneqarnerata kingorna atugarissaarnerulernerminnik allaaserisatigut oqariartuuteqarput.

Suliffeqarfiup Kalaallit Nunaanni nunanilu allani tunisassiorfitsigut aningaasaliissuteqartarnerani pingaarnersiuisarneq aviisimi aamma sammineqarpoq. Suliffeqarfiup iliuusissatut pilersaarutaata tunisassiassanik Kalaallit Nunaanneersunik tunngaveqarnera allaaserisani minnerunngitsumik paasisaqarfigineqarsinnaavoq, tamatumani ilaatigut saarullinnik inerisaalluni tunisassiornermit tunisassiaq Tysklandimi aalisakkanik saqqummersitsinersuarmi qerisunik tunisassiani nunarsuarmi pitsaanerpaatut nalilerneqarsimasoq allaaserineqarlunissaaq.

Aviisi aviisit nuna tamakkerlugu saqqummersartut marluusut aappaa AG suleqatigalugu suliarineqartoq nittartakkatsinni uani atuarneqarsinnaavoq:

Allattoq: Káte Hansen, kaha@royalgreenland.com

Asseq: RG/AG

Asseq

 
 

Royal Greenland aperiguk

i
Write the text from the image