Suleqatigiaani aqutsisut pikkorissartinneqarnerat suliffeqarfinni suliffeqarfinnilu immikkoortortani sulisunik aqutsisutut sulineq pillugu pikkorissaanermik neqerooruteqartut Nanoq Akademi suleqatigalugit Maniitsumi pikkorissartitsineq ingerlanneqarpoq.

Suleqatigiiaani aqutsisutut pikkorissartitsineq aqutsisutut sulinermi ilisimaarisariallit aqutsisutullu piginnaasat pisariaqartut pillugit sakkussat pissanganartut atorlugit pikkorissartitsineruvoq.

Pikkorissarneq pissarsiffiulluarpoq

Suleqatigiiaani aqutsisut pikkorissartinneqarneranni peqataasoq, Maniitsumi Royal Greenlandip tunisassiorfiani pitsaassusilerivimmi suleqatigiaani aqutsisoq Arona Levisen pikkorissarnermi peqataanermini pissarsiaqarluarsimalluni aamma suleqatigiaani aqutsisutut angusaqarluassaguni sutigut allannguisariaqarnerluni paasisimallugu oqarpoq.

- Pikkorissarnermi pissarsiaqaqaanga aamma eqiiallaqaanga. Maanna paasivara ulluinnarni suleqatigiiaani aqutsisutut sulininni suut maluginiartassanerlugit, 31-inik ukiulik Arona Levisen oqarpoq, nangipporlu:

- Paasivara suleqatinnut ajunngitsumik kiinnertarnissaq qanoq pingaaruteqartigisoq, aamma suleqatima pikkorilluinnarlutik sulinerat paasivara tamannalu tulluusimaarutigeqaara. Minnerunngitsumik suleqatigiaani aqutsisutut angusaqarluarlunga sulissaguma uanga nammineq inuttut suliarisariaqarlunga paasivara, Arona Levisen oqarpoq.

Royal Greenlandimi Sulisoqarnermi Pikkorissaanermilu immoortortortaqarfiup Nanoq Akademi suleqatigalugu Maniitsumi Royal Greenlandip tunisassiorfiani seleqatigiaani aqutsisunik pikkorissaanerat sapaatip akunnerani 18-imi inaarneqassaaq.

Allattoq: Inga Egede, ineg@royalgreenland.com

Foto: RG

Asseq

 
 

Royal Greenland aperiguk

i
Write the text from the image