- Ukiuni 2017-imi 18-imilu sulisunut pikkorissaanerit tunisassiornermi periutsit pillugit aamma eqqiluisaarnermut tunngasunik pikkorissassapput. Taamaaliussaagut tuniassassiat pitsaasut tunisassiariumagatsigit aamma tunisassiat suliarineqarsimanerat pillugit maalaarutit annikinnerpaaffimmiitikkusukkatsigit. Taamatuttaaq inussutissanik tunisassiornermi inatsisit maleruagassallu atuuttut malikkumagatsigit, Royal Greenlandimi Sulisoqarnermut Pikkorissaanermillu immikkoortortaqarfimmi siunnersorti, Adolf Egede oqarpoq.

Tunisassiornermi periutsit pillugit eqqiluisaarnermullu tunngasunik pikkorissaanerit Inuussutissalerinermik Ilinniarfik Inuili suleqatigalugu aaqqissuunneqartut ukiaanerani 2016 -imi aallartinneqarput. Maannamut Paamiuni, Qasigiannguani, Sisimiuni Maniitsumilu Royal Greenlandip tunisassiorfiini sulisut pikkorissarneqareerput.

- Saapatip akunnerani uani Ilulissanani kingornalu Uummannami sulisut pikkorissarneqassapput. Aasaanerani ulapaarfik qaangiussimaleriarpat Upernavimmi, Kangaatsiami, Nuummi Ikerasammilu silisut pikkorissartinneqassapput, Adolf Egede oqarpoq.

Salliutitsineq

Ukuini kingulliunerusuni suliffeqarfimmi suleqatigiinneq aamma inuttut ineriartornermut tunngasunik Royal Greemland Academy sineriammi nunaqarfinni illoqarfinnilu Royal Greenlandimi sulisunik pikkorissaasarpoq.

- Suliffiup iluani eqqiluisaarneq namminerlu nakkutilliinernut tunngasut, bakteerissanut tunngasunik taamatuttaaq tunisassianik passussinermi periutsit pillugit sulisut ilisimasaqarnerunissaat Royal Greenlandimi tunisassiornermi ingerlatsisut salliutsimmassuk qulequttat taakku i pikkorissaanerni ngerlanneqarput, Adolf Egede oqarpoq.

Eqqiluisaarnernut aamma tunisassiornermi periutsit pillugit pikkorissaanerit ukiuunerani- ajornanngippallu sikuneranik pissuteqartumik tunisassiorfiit suliassaqannginnerisa nalaani ingerlanneqartarput.

Suliassaqanngikallarnerni pikkorssaanerit

Royal Greenland Acedemy sikunera pissutigalugu tunisassiorfiit suliassaqanngikkallarnerisa nalaani aamma sulisunik pikkorissaanernik ingerlataqartarput. Tunisassiorfiit matoqqagallarnerisa nalaani pikkorissaanerni ulluni sisamanik sivisussuseqartuni suleqatigiinneq, suliffiup iluani qinngasaarisarneq, ikiueqqaarneq, suliffimmi pissutsit attaveqatigiittarnerlu pillugit sulisut pikkorissartinneqartarput.

- Tunisassiorfiit pissuteqavissumik, assersuutigalugu sikunera pissutigalugu matoqqanerisa nalaani pikkorssaajartortarpugut. Tunisasssiorfiilli matugallartut tamaasa ornissannaaneq ajorpagut sumiiffinni angallanneq pikkorssartitsivissallu ajornakusoortarneri pissutigalugit, Adolf Egede oqarpoq.

Tekninnikkut Ilinniarfik suleqatigalugu Royal Greenland Academyp aamma truckinut kraninullu pikkorissartitsisarnerit ingerlattarpaat. Aamma ukuit kingulliit ingerlanerini Royal Greenlandip tunisassiorfiini aqutsisoqatigiinni aqutsisut, tunisassiorfinni ingerlatsisut sulisunullu aqutsisut 100-iniit amerlanerit Pisortatut Ilisimatusarfimmi aqutsisutut pikkorissarput . Aqutsisunik Pisortatut Ilisimatusarfimmi pikkorissaanerit 2017-imi 18-milu ingerlanneqaqqissapput.

Allattoq: Inga Egede, ineg@royalgreenland.com

Foto: RG

Asseq

 
 

Royal Greenland aperiguk

i
Write the text from the image