Oqariartuut taanna videoliat pingasuusut ilaanni tunngavigineqarpoq, videoliallu inuusuttut Royal Greenlandip kilisaataataanni ilinniarnissaminnut pileritsallutillu kajumissuseqalernissaat anguniarlugu Royal Greenland videoliortitsivoq.

Royal Greenlandip kilisaataataanni suliaqarfiusartut ilaat assigiinngitsut pingasut aquttutut, mistalitut taamatuttaaq tunisassiorfimmi ingerlatsisutut ilinniartuuffiusinnaasut kilisaammi ilinniartunit inuttanillu ilinniarsimasunit videoliani oqaluttuarineqarput.

- Royal Greenland Kalaallit Nunaata imarsiornermik aallussaqarfiulluartunngornissaanut suleqataarusuppoq. Taamaattumik imarsiornermik ilinniakkat inuusuttunut angusaqarluarusuttunut akisussaassuseqarluartunullu kiisalu imarsiortutut kilisaammi ilinniarusuttunut sulerusuttunullu soqutiginarsarneqarnerannut peqataarusuppugut, Royal Greenlandimi inuttalerinermi ingerlatsisoq Mika Heilmann oqarpoq.

Videoliat pingasut Royal Greenlandip nittartagaaniittut kalaallisut qallunaatullu oqaasertaqarput.

Kilisaammi sulineq

Aquttutut, mistalitut taamatuttaaq tunisassiorfimmi ingerlatsisutut suliaqarfinni ilinniartut sulisullu ilinniarsimasut Royal Greenlandip kilisaataataani Akamalik-mmi suliaqarfinni pingasuusuni suliatik kiisalu ilinniartutut sulinermi piumasaqaataasut oqaluttuaraat.

- Kilisaammi inuuneq sulinerlu qanoq innersoq inuusuttunut takutikkusupparput. Inuusuttut videoliani oqaluttuartunut qanoq assigiissuteqartiginerminnik takunninnissaat kilisaammilu sulilernissaminnut soqutiginnilernissaat anguniarlugu videoliortitsivugut, Mika Heimann oqarpoq.

Mika Heilmannip oqaatigaa, inuusuttut imarsiornermik ilinniagaqarusuttut Royal Greenlandip kilisaataataanni ilinniartunngornissamut piukkunneqarnissaminnut periarfissaqartut.

- Inuusuttut kilisaammi sulinissaminnut akisussaassuseqartut kajumissuseqartullu Royal Greenlandip kilisaataataanni ilinniartunngornissamut piukkunneqarnissaminnut periarfissaqarput, Mika Heilmann oqarpoq.

Royal Greenlandip kilisaataataani Akamalik-mmi aquttutut, mistalitut taamatuttaaq tunisassiorfimmi ingerlatsisutut ilinniarneq sulinerlu pillugit videoliat uani isiginnaarneqarsinnaapput:

Allattoq: Inga Egede, ineg@royalgreenland.com

Asseq: RG

Asseq

 
 

Royal Greenland aperiguk

i
Write the text from the image