Royal Greenlandip aningaasaqarnermut pisortaa Nils Duus Kinnerup, attaveqarnermut sulisoqarnermullu pisortaa Jens K. Lyberth kiisalu Japanimi tuniniaanermut pisortaa Takaaki Shimoda Royal Greenland sinnerlugu peqataapput.

Royal Greenlandip Japanimi nittarsaassinersuarmi peqataatitai Danmarkimi suliffeqarfiit niuernermik aallussallit aallartitaat peqatigalugit Japanimiinnerminni misilittakkat pillugit isummersoqatigiinnermi peqataallutillu ingerlatseqatigiiffinnik allanik - nittarsaassinersuarmi peqataasunik - suleqatigileratarsinnaasaminnik naapitsipput.

Taamatuttaaq Royal Greenlandip peqataatitai Japanimiinnerminni kunngissatta Frederiup nulia Mary Danmarkimilu nunanut allanut ministeri Royal Greenlandip nittarsaassinersuarmi saqqummersitsivianut ornigummata inunnik nuimasunik naapitsipput.

Allattoq: Inga Egede, ineg@royalgreenland.com

Assit: Søren Andersen, Landbrug & Fødevarer

Asseq

 
 

Royal Greenland aperiguk

i
Write the text from the image