- Sapaatip akunnerata siuliani eqaarsaartalerpugut, iluaqaaq, ulluinnarnimi suliagut iparalaarlugit allamut saalaarneq immitsinnullu sammilaartalernerput maani qiimmaallaataaqaaq, Nuummi Royal Greenlandip tunisassiorfiani poortuisartut ningiuat, Lucia Geisler oqarpoq.

Poortuisarfimmi sulisut arnartaat qernertunik qaatigooqarput qarleqarlutillu oqortunik, angutitai takkajaanik qaqortunik sulliseqarput. Sulisut sullisitik piianngikkaluarlugit tasitsaarutinnguit aappaluttut iikkami nivingasut tigooqqarpaat ilaminnullu agguaallugit.

- Katillugit ukiut arfineq-marluk Royal Greenlandip tunisassiorfiani sulinikuuvunga, ukioq ataaseq maani poortuisarfimmi sulinera massakkut ingerlallugu. Ullormut suleriuseq ataaseq periuuseriuartuullugu tuima ujaluinut qitinnullu qasutitsisaqaaq, kisianni eqaarsaaqatigiittarnerput aallartimmalli malugisinnaaqaara ujallunni sukattooqqasarnera annikilliartortoq, Nummi Royal Greenlandip tunisassiorfiani poortuisoq Gerth Simonsen oqarpoq.

Gerth Simonsenip eqaarsaartalernertik kisimiilluni iluarisimaanngilaa, suleqataatali aamma iluarisimaarlugu oqarluttuaraa:

- Sapaatip akunneri pingasuinnaat sulinikuugaluarlunga massakkut timikkut malugilereerpara eqaannerulerlunga. Eqaarsaartanngikkallaratta soraartarnikuuvunga timera qerattaqqasutut ittoq pingaartumik tuima ujalui. Massakkut soraartarpuga timera oqinnerulersutut ittoq eqaannerullungalu, Royal Greenlandimi tunisassianik poortuisartoq Parnuuna Poulsen oqarpoq.

Nuummi Royal Greenlandip tunisassiorfiani poortuisarfimmi sulisut arfineq-pingasuupput, taakkulu eqaarsaartarnertik iluaqutigalugu malugigamikku aalajangerput ullormut marloriarlutik eqaarsaartalerniarlutik.

Allattoq: Marie Kuitse Kristensen, mkri@royalgreenland.com

Assit: John David Eriksen

Asseq

 
 

Royal Greenland aperiguk

i
Write the text from the image