Nipisat suaannik tunisassiorneq ukioq kingulleq tassa 2016-imi Narsami tunisassiorfimmut tunineqarsimasut 15 tonsiupput. Ukiorli manna qaffariaateqangaatsiarsimanerat Narsami Royal Greenlandip tunisassiorfiani ingerlatissup Niels Sakariassenip oqaatigaa:

- Ukioq manna Narsap eqqaani sikorsuaqannginnera malugeqaarput. Ingammik nipisat suaannik tunisassiornerup tungaatigut aasaq manna sulisut tallimanik amerlisariaqarsimavagut tunisassiorneq ingerlalluangaarmat, Niels Sakariassen oqarpoq.

Nipisat suaat 40 tonsit tunineqarput. Narsami tunisassiorfimmi nalinginnaasumik ukiumut tunisassiarineqartartussagaluartut sikorsuaqartarnera patsisaalluni killeqartarput, ukiorli manna sikorsuaqanngimmat tunisassiat ingerlalluarput.

- Ukioq naallugu tunisassiorfitsinni pingasunik sulisoqartarpugut, aasarli manna tunisassiat ingerlalluarnerisa kingunerisaannik sulisut arfineq-pingasuupput tamanna qujarutissaavoq, Niels Sakariassen oqarpoq.

Narsami Royal Greenlandip tunisassiorfiutaani nipisat suaasa tunisassiarineqarnerisa saniatigut aalisakkat assigiinngitsut sisamat tunisassiarineqartarput tassaasut, qalerallit, suluppaakkat, qeeqqat saarulliillu.

Allattoq: Marie Kuitse Kristensen, mkri@royalgreenland.com

Asseq: Niels Sakkariassen

Asseq

 
 

Royal Greenland aperiguk

i
Write the text from the image