Upernavimmi aalisartut tallimat tapiiffigineqarlutik umiatsiartaarput Uummannamilu aalisartut tallimat umiatsiartaarlutik. Umiatsiartaarnissaminut tapiissuteqarfigineqartut ilaagaat Uummannami aalisarnermik inuussutissarsiutilik Hans Frederik Mørch.

Hans Frederik Mørchip umiatsiaarartaani immamut singeqqammerlugu ima oqaluttuarpoq:

- Aalisarneq inuussutissarsiutigalugu kisimalu pilersuisuullunga motooriiarama erloqinarnikooqimmat, qujaqaanga Royal Greenlandip tapiisuteqarneratigut nutaarsuarmik umiatsiamik motooritalimmik pisaarsinnaagama. Siornatigut eqqarsaatigisaraluarakku tunisassiorfimmut aalajangersimasumut pituttorusunnanga, kisianni massakkut meeqqannut aappannullu pilersuisuunera eqqarsaatigilluareerlugu aalajangerpunga Royal Greenlandimut tunisisarnera nangeqqiinnarniarlugu, Hans Frederik Mørch oqarpoq.

Royal Greenlandip tapiissuteqarneratigut umiatsiartaarniaraanni aalisartup minnerpaamik umiatsiap nalingata sisamararterutaa nammineq akiligassarisarpaa. Upernavimmi Uummannamilu aalisartut pineqartut piumassuseqarluartuummata Royal Greenlandip tapiisuteqarnera immikkut misiliutaavoq. Aalisartunut pineqartunut neqerooruteqarnermi umiatsiartaarnermi taamaallaat procentit tallimat aalisartut namminneq akilerpaat.

Royal Greenland nutartererusuppoq

Upernavimmi Royal Greenlandip aalisarnermut siunnersortigisaa Jan Kleinschmidt oqarpoq Upernavimmi Uummannamilu aalisartut ilaasa umiatsiaat ullutsinnut naleqqukkunnaarlutik nutartsertariaqalersut:

- Naammattuuisarpunga mikivallaartunik naleqqukkunnaartunillu umiatsialinnik. Taakku umiatsiat motoorii ajoquteqartarput VHF-radioqaratillu amooruteqanngitsunik allarpassuartigullu artortutigut amigaatilinnik.Taamaattumik Upernavimmi Uummannamilu aalisartut katillugit qulit angallatitaartinnerisigut nutartereqataavugut isumannaallisaallutalu, Jan Kleinschmidt oqarpoq.

Umiatsiat tapiissutigineqartut Poca-600 ilaatigut makkuninnga atortorissaaruteqarput: Motoori Mercury imaluunniit Suzuki, VHF-radio antiinertalik, sumiissusersiut immap assinganik assiliartalik, Targa bøjle, batteri, anorimut assiaqut filterilu.

Allattoq: Marie Kuitse Kristensen, mkri@royalgreenland.com

Asseq: Theo Fleischer

Asseq

 
 

Royal Greenland aperiguk

i
Write the text from the image