Siornatigut suluppaakkat niaquiaqqaarlugit aqajai erlaviilu piiaqqaarlugit tunineqartarallarmata Royal Greenlandimut tunisisartut amerlagisassaanikuunngillat, ullumikkulli suluppaakkat niaqui erlaviilu kisiisa peeqqaarlugit tunisisalerneq aalisartumit Søren Janussernimit iluarisimaarneqarpoq:

- Suluppaakkanik tunisinissara kajumigineruleqaara, siornatigut piffissangaatsiaq atoqqaarlugu tunisisarnikuullunga massakkut piffissaq sivikinnerusoq atorlugu Royal Greenlandimut tunisisisalerpunga akitigullu iluaqutiginerulerlugu, Narsami aalisartoq Søren Janussen oqarpoq.

Suluppaakkat niaquiakkat aqajaajakkallu siornatigut aalisartunit tunineqaraangamik oqinnerusarput tamannalu aalisartunut aningaasatigut isertitsissutaanera annikinnerusarluni. Ullumikkut suluppaagaq Royal Greenlandimut tunisinermi niaquiagaannaasalermat aalisartumut iluanaarutaanerulerpoq. Tamanna aamma Narsami Royal Greenlandip tuisasiorfiani ingerlatsisup Niels Sakariassenip malugisimavaa:

- Siorna suluppaakkat tunisat tonsit pingasuupput, maannali tunisisarnerup aalisartumut nalitunerulerata kingunerisaanik ukiup imaalinerani tonsit marluk angoreerpagut sulilu tunisisoqangaatsiarnissaa ilimanarluni, Niels Sakariassen oqarpoq.

Narsami Royal Greenlandip tunisassiorfiani suluppaakkat tunineqartartut Nuummut nunatsinni tunisassianik tuniniaavimmut ingerlateqqinneqartarput, kingornalu nunatsinni pisiniarfinnut angisuunut neriniartarfinnullu tunineqartarlutik.

Allattoq: Marie Kuitse Kristensen, mkri@royalgreenland.com

Asseq: Niels Sakariassen

Asseq

 
 

Royal Greenland aperiguk

i
Write the text from the image