Eqqusanik tuniniaaneq qaqugu aallarnisarneqalissava ?

Taamatut aperivunga peqqutigalugu Sisimiut eqqaani eqqusanik ulikkaavimmat, ilisimagakkulu Asia-mi piumaneqarluartuusut.

Ulrik Lyberth

Haluu Ulrik

Nittartakkatsigut apeqquteqarninnut qujanaq.

Royal Greenlandip eqqusanik misileraalluni aasaq manna pisai maanna Kangianut ingerlaarput. Eqqusanik nioqqutissatut annissuiniarneq ajornakusoortorujussuuvoq, tuniniaaffiit sumiiffii aammalu aalisarfiusuni erngup pitsaassussaanik akuersititsiniaaneq pissutigalugit. Tamatuma saniatigut nunat eqqussuisussat toqunartoqassutsinik aatsitassanillu oqimaatsunik taasagaannik uppernarsaatitaqartitsinissanik piumasaqartarput.

Eqqusanik misiligutissatut nassiussagut pillugit suli pisiniartartussaasinnaasumit akissutisisinngilagut. Pissarsiareriarutsigilli tunisassiarineqarsinnaanerat qanoq piviusorsiortiginersoq nalilerniartussaavarput, suliniutillu imminut akilersinnaassusaanut tunngasunik naatsorsuissalluta.

Inuulluaqqusillunga
Sten Sørensen, Aqutsinermi Ingerlatsisoq


–––––––––––––

Susassaqartumut:

Niuernermik Ilinniarfimmi Nuummiittumi ilinniartuuvugut pingasut, soraarummeernissatsinnullu suliffeqarfissi pillugu allaaserinninniarpugut. Matumani apeqqutissaqarpugut, neriuppugullu apeqquterput akisinnaassagissi. Apeqquterput imaappoq: Royal Greenlandip siulersuisui suliffeqarfimmillu aqutsisut katiterneqarnerat qanoq isikkoqarpa?

Ikiuinissinnut qujareerluta
Pilúnguak' M. Larsen ilaalu.

Siulersuisut qulingiluanik ilaasortaqarput, matumani pingasut sulisunit qinigaallutik. Siulersuisuni ilaasortat arfinillit ataatsimeersuarnermi toqqagaasut siunnersuuteqarnerup nassuiaataa ”Komitéen for god Selskabsledelse”-meersoq naapertorlugu pituttorsimanngillat. Siulersuisuni ilaasortat Danmarkimi, Kalaallit Nunaanni nunanilu assigiinngitsuni inuussutissarsiornerup iluani kiisalu Kalaallit Nunaanni inuiaqatigiinnut sullissinermik il.il. misilittagaqartuupput. Ukioq allortarlugu siulersuisut siulittaasussaannik toqqaasoqartarpoq.

Siulersuisuisuni ilaasortat aqqi kiisalu ilaasortat pillugit paasissutissat allat nittartagatta linkiani takusinnaavasi: http://www.royalgreenland.gl/kl/RG-pillugu/Suliffeqarfik/Siulersuisut

Siulersuisut pisortaqatigiillu suliffeqarfimmi aqutsisuupput. Pisortaqatigiit marlunnik pisortaqarput, ukuuppullu: Pisortaaneq Mikael Thinghuus aamma og aningaasaqarnermut pisortaq Nils Duus Kinnerup.

Aqutsisooqatigiit ukuninnga inuttaqarput: Tuniniaanermi nittarsaassinermilu pisortaq Bruno Olesen aamma tunisassiornermi pisortaq Lars Nielsen. Pisortaqatigiinni inuttat assii kiisalu paasissutissat pisortaqatigiinnut tunngasut linikimi uani takukkit: http://www.royalgreenland.gl/kl/RG-pillugu/Suliffeqarfik/Aqutsisoqarfik

Inuulluaqqusillunga

–––––––––––––

 
 

Royal Greenland aperiguk

i
Write the text from the image