Tulaassuineq

Tunisinermi pissarsiat annertussusaat pillugit nalunaarusiat assigiinngitsut pisortaqarfinnut Pinngortitaleriffimmullu nassiussuuttarpagut. Tulaassallu paasissutissartaat misissorlugillu nakkutigisarpagut.

Nunami tunisassiorfinni nakkutilliineq

Kalaallit Nunaanni tunisassiorfinni tunitsivinnilu tunisassiornermi nalunaarsukkat misissortarpagut.

Nalunaarsuutinik assigiinngitsunik suliaqartarpugut, taakkulu tunisassiorfimmi aqutsisut suliffissuarmilu aqutsisut tunisassiorneq sapaatip akunnerup qaangiuttup, qaammatip qaangiuttup aammalu ukiup naatsorsuusiorfiusup ingerlasup qanoq ingerlasimanerinik qulangiisumik paasisaqarfigisinnaaniassammatigit.

Kilisaatini nakkutilliineq

Kilisaatit Royal Greenland A/S-imit aamma Ice Trawl Greenlandimit pigineqartut pillugit makku suliarneqartarput:

Sapaatip akunnikkaartumik qaammatikkaartumillu nakkutilliisarpugut. Taamaasiortarpugut pisat annertussusaat, aningaasaqarneq toqqortaatillu pillugit.

Ice Trawl Greenland A/S-imut tunngatillugu qaammammut naatsorsuusiornerit naammassinissaat akisussaaffigaarput, pisortaqatigiinnut, siulersuisunut aningaasaateqarfinnullu ataavartumik nalunaarusiornissaq.

Piginneqatigiiffiit ingerlanneqarnerat

Piginneqatigiiffinnut ataasiakkaanut suliassat assigiinngitsuupput.

Gaia Fish A/S aamma Qaleralik A/S Nakkutilliisoqarnermut immikkoortortaqarfimmit isumagineqarput, taamalu naatsorsuuserinermi, missingersuusiornermi aammalu naatsorsuutit suliassartaannik tamanik isumaginnittuulluta.

Kalaallit Nunaanni aalisartoqarnikkut piginneqatigiiffiit pisaannik ataavartumik nalunaarsuineq isumagisaraarput. Paasissutissat pissarsiarineqareeraangata aningaasaqarnermi angusanik nakkutilliineq isumagisarparput.

Suliffeqarfiit ilaannut avataanit ingerlanneqartunut aamma makkunatigut akisussaaffeqarpugut:

Naatsorsuusiornerni ikiuunneq, missingersuusiorneq, kukkunersiuisut suleqatigalugit ukiumoortumik naatsorsuutinik suliaqarneq, aningaasaqarniarnermi nakkutilliineq kiisalu attartonissami qinnuteqaasiorneq. Siulersuisut ataatsimiinnerini peqataasarpuguttaaq.

 
 

Royal Greenland aperiguk

i
Write the text from the image