Tunisassiassanik Inerisaavik, Kalaallit Nunaat

Royal Greenland A/S iliuusissatut pilersaarut 2018 "North Atlantic Champion"-imut atatillugu aalajangerpoq ullumikkut tunisassiarineq ajukkaminik aalisakkanik pissuseqatigiiaanik allanik tunisassiorsinnaanermut periarfissarsiorluni suliuniuteqarnini annertusassallugu. Tunisassiornitsinni tunngaviusumik tunisassiarisartakkavut amerlinissaannut tunisassiaasinnaasut tunisassiarineq ajukkavut amerlapput. Tamatumani suliniuteqapallannissarput iliuusissatut pilersaarutitaatsinni pingaartipparput, ilaatigut suliniutit ukioq ataatsimiit ukiut pingasut angullugit sivisussusilimmik ingerlanneqarnissaat ilimagigatsigu kiisalu pissuseqatigiiaanik allanik Nunatsinni tunisassiornerup nutaanillu aalisariaatsinik atorneqarsinnaalluartunik atorluaanerup tungaatigut maligassiuisuunissarput angorusukkatsigu.

Nunatsinni Tunisassianik Inerisaavitta aalisakkanik pissuseqatigiiaanik allanik tunisassiassanik tunisassiornermik, aalisariaatsinik nutaanik atuinermik kiisalu aalisakkanik tukertitsivinnik pilersitsinermik aallaaveqartumik Nunatsinni niuernermi periarfissaasinnaasunik aallussinerup tungaatigut ukkassinissaq ineriartortitsipallannissarlu qulakkiissavaa.

Nunatsinni Tunisassiassanik Inerisaavik Royal Greenlandip aalisakkat pissuseqatigiiaat allat tunisassiassatut suli aallunneqanngitsut kiisalu aalisakkanut pissuseqatigiiaanut Atlantikup Avannaata imartaaneersunut tukertitsivinnik pilersitsinissamut ineriartortitsineq pillugu ilisimasanik siammarterivigissavaa.

Nunatsinni Tunisassiassanik Inerisaavik suliniutinik aallussaqassaaq taamaasillunilu suliffeqarfissuup immikkoortortaqarfii – aalisariutit minnerniit tunisassiorfinni sulisut, qullersaqarfimmi pitsaassusilerisut aamma nittarsaassinermik tuniniaanermillu suliaqartut - suleqatigalugit aalisakkanik atuilluarnissamut suliniuteqassalluni.

Aalisakkat pisarineranniit tuninerannut tunisassiornerup ingerlarnga pillugu takussutissamik suliarinnittoqassaaq tunisassiarineqartullu aallunneqarnerisa imminut ilumut akilersinnaanerat pillugu naliliiffigineqannginneranni pisarineranniit tuninerannut tunisassiornerup ingerlarnga misilittarneqassalluni.


 
 

Royal Greenland aperiguk

i
Write the text from the image