Ingerlatseqatigiiffiup tunngaviusumik iliuusissatut pilersaarutaata "The North Atlantic Champion"-ip sapinngisamik pitsaanerpaamik tapersersorneqarnissaa Sulisoqarnermi immikkoortortamit ataavartumik sulissutigineqarusuppoq.

Qullersat "The North Atlantic Champion"-inngornissamut anguniakkat tunngavigalugit sulinissaannut ingerlatsisoqarnissaannullu Sulisoqarnermi immikkoortortaq siuarsaaqataassaaq.

Sulisoqarnermi immikkoortortaq tamatumanilu sulisut assigiinngitsunik piginnaasallit suleqatiginerisigut sulisoqarneq pillugu qullersat ingerlatseqatigiiffiullu anguniagaasa angunissaannut isummersoqatigiinnikkut ikioqatigiinnikkullu siuarsaaqataassaaq.

Sulisoqarnermi immikkoortortap iliuusissatut pilersaarutaa ingerlatseqatigiiffimmi pingaarnertut malinneqartussaavoq.

Royal Greenlandimi Sulisoqarnermi immikkoortortap suliassaqarfii pingaarnerit makkuupput:

  • Orniginartuutitsineq/sulisussarsiorneq
  • Sulisut sulisoriuaannarnissaannut iliuuseqarneq
  • Piginnaasatigut ineriartortitsineq
  • Pikkorissartitsineq
  • Sulisoqarnermi immikkoortortamik ineriartortitsineq
  • Aaqqissuussaanikkut ineriartortitsineq
  • Allannguinissamut aqutsineq
  • Suleriaatsinik pitsanngorsaaneq
  • Ilinniartoqarneq
  • Akissarsialerineq sulisoqarnikkullu aqutsineq
  • Sullivimmi pissutsinut tunngasunik suliaqarneq

Sulisoqarnermi immikkoortortap akisussaaffii

  • Royal Greenland A/S-ipaqutsisunut, immikkut ittumik ilisimasalinnut, ilinniartunut nunanit assigiinngitsuneersunut piukkunnaateqarluarnerpaanullu orniginartuutinnissaanik qulakkeerinninneq
  • Ilinniarfiit assigiinngitsut suleqatiginerisigut piginnaasalinnik tamatumani ilinniartunik ineriartortitsinissamik qulakkeerinninneq
  • Sulisut suliatigut inuttullu piginnaasaannik ineriartortitsinissamik qulakkeerinninneq, tamatumani qullersat sulisullu ineriartornermut naammassisaqarsinnaanermullu sammisumik ukiumoortumik oqaloqatigiittarnissaannik qulakkeerinninneq
  • Piginnaaneqalersitsisussanik pikkorissartitsisoqartarnissaanik qulakkeerinninneq
  • Qullersat ataasiakkaat sulinerminni naapertuuttunik sakkussaqarnissaannik qulakkeerinninneq, tamatumani ilaatigut najoqqutassat, malittarisassat, maleruagassat politikkillu pineqarput
  • Sulisut atugaannik misissuisoqartarnissaanik misissuinernillu malittareqqiisoqartarnissaanik qulakkeerinninneq
  • Sullivimmi pissutsit pitsaasuunissaannik tamatumanilu akisussaassuseqarluni atuutsinnissaannik kiisalu suliffeqarfimmik naliliisoqartarnissaanik qulakkeerinninneq
  • Qullersat ileqqorissaarluinnartumik isummersoqatigiittarnissaannik qulakkeerinninneq
  • Aaqqissuussaanerup ineriartortinneqarnissaa pillugu suliniuteqarnermi peqataanissamik qulakkeerinninneq
  • Sulisunik ileqqorissaartumik peqqissaartumillu soraarsitsisoqartarnissaanik qulakkeerinninneq
  • Sulisunut eqqortunut piffissarlu eqqorlugu akissarsisitsisoqartarnissaanik qulakkeerinninneq (atorfilinnut, akunnermusialinnut inuttanullu)
  • Sulisoqarneq pillugu politikkit piffissami atuuffimminnut naleqquttuunissaannik nutarsarneqartarsimanissaannillu – inatsisillu atuuttut naapertorlugit aaqqissorneqartarnissaannik - qulakkeerinninneq
  • Isumaqatigiissusiortoqartarnissaanik qulakkeerinninneq
  • Inatsisit sulisoqarnermut tunngasut pillugit peqqissaartumik siunnersuisoqartarnissaanik qulakkeerinninneq
  • Soqutigisaqaqatigiinnik qanimut suleqateqartoqarnissaanik qulakkeerinninneq

Sulisoqarnermi immikkoortortaq ingerlatseqatigiiffiup suliffeqarfittut pitsaasuuginnarnissaa orniginartuuginnarnissaa anguniarlugu - ukiunilu kingullerni taamatut inissisimasutut oqaatigineqarsinnaasoq - ukkatarinnilluarluni suliuarsinnassaaq. Tamatumani ingerlatseqatigiiffiup sulisorpassuani pikkorissut pimoorussillutillu sulisuusut sutigut tamatigut pingaartippai, pingaartillugulu sulisoriinnarnissaat.

Ineriartornermik uuttuutit (KPI)

  • Sulisut atugaannik misissuineq (MTU)
  • Suliffeqarfimmik naliliineq (APV), tamatumani elektroniskiusumik suliffeqarfimmik naliliinermi inernerusut kiisalu tunisassiorfinnik/tunitsivinnik takusaalluni misissuineq pineqarput
  • Nunami imaanilu sulitilluni ajoqusernerit amerlassusaannik misissuineq
  • Sulisoqarnermi immikkoortortap sulinera sulisunit minnerunngitsumillu ingerlatseqatigiiffimmi qullersanit naammagisimaarneqarnersoq paasiniarlugu misissuineq. Tamatumanilu ingerlatseqatigiiffimmi qullersat assigiinngitsunik qaffasissusilinnik atorfillit ataavartumik oqaloqatiginerisigut paasiniarneqartarpoq.

 
 

Royal Greenland aperiguk

i
Write the text from the image