Royal Greenland tassaavoq nunani assigiinngitsuni ingerlatalik kulturinik suliassaqarfinnillu assigiinngiiaartunik naapitassalik.

Aalisarneq, nioqqutissiorneq, pitsaassutsimik qulakkeerinninneq, assartuineq, nioqqutissiassanik ineriartortitsineq, nittarsaassineq, tuniniaaneq assigiinngitsutigullu kiffartuussineq Royal Greenlandimi ingerlanneqarput. Nunani tamalaani ingerlatsinerup periarfissaqalersippaa sumiiffinni ataasiakkaani nunanilu allani suliffissaqalernera. Sulisut ineriartortinnerat, sullivimmi atukkat pitsaasut silaannarlu najoruminartoq tassaapput nioqqutissiatta tuniniarnissaannut sinaakkusiilluartut. Anguniartuarparput suliffeqarfik ataqqeqatigiinnermik, tatigeqatigiinnermik kaammattuinermillu peqartoq. Attaveqaqatigiippugut unneqqarilluta, inussiarnisaarluta tamanullu ataqqinnilluta.

Sulinermi ileqqut nutaaliornertallit peqqissullu

Royal Greenlandimi sulineq piumasaqaatitaqarpoq unamminartuullunilu. Piumassuseqarpugut angusaqarusuttuullutalu.

Nuannisaarnissamulli inissaqartariaqarpoq, sulisugullu kaammattorpagut sulinerup, sulinermut atatillugu attaveqartarnerup piginnaasallu ineriartortinnissaasa ataqatigiissumik pinissaata anguniarnissaanut. Royal Greenlandip sulisuni akisussaaffimmik annertuumik tunisarpai, suliffiup nioqqutissiallu tulluussimaarutiginissaannut tunngavissiisumik.

Sullivimmi atukkat


Royal Greenlandimi siunertaavoq sullivimmi atugassarisat eqqarsaatigalugit pinaveersaartitsinermut tamat peqataatinnissaat. Sulliviit nalilersorneqarnissaat, APV, aallarnisaleruttorparput, tassani sillimanissamut ataatsimiititaliat siuttuullutik, sumiiffinnilu ataasiakkaani sulisut peqatigalugit aqutsisut APV-liornermut akisussaasuullutik. Siunertaavoq sulinermut atatillugu ajutoortarnerit pinaveersaartinnissaat. Suliffeqarfiit nalilersorneranni sullivimmi atuakkat ilaatinneqassapput, aammalu eqqarsaatigineqassallutik atortunik nutaanik pisinermi kiisalu sulinermi maleruagassat peqqissutsimut sillimaniarnermullu tunngasunik imallit suliarineqarneranni.

 
 

Royal Greenland aperiguk

i
Write the text from the image