Royal Greenland A/S Namminersorlutik Oqartussanit pigineqartoq Kalaallit Nunaata nunarsuaq tamakkerlugu suliffeqarfiutaasa annersaraat, aalisanermik, tunisassiornermik, nittarsaassinermik aammalu tuniniaanermik aallussalik.

Suliffeqarfissuaq nunarsuaq tamakkerlugu 49-nik tunisassiorfiuteqarpoq, taakkunannga 38-t Kalaallit Nunaanniillutik. Aamma tallimanik avataasiutinik kilisaataateqarpoq, sinerissap qanittuani kilisaataateqarluni marlunnik aammalu arfineq marlunnik qaleralinniuteqarluni Kalaallit Nunaata kitaani tunisassiorfinnut tulaassuisartunik.

Royal Greenland nunarsuarmi aalisakkerinermi ingerlalluarnerpaat qulit akornanniippoq aammalu nunarsuarmi raajanik, qaleralinnik nipisallu suaannik tuniniaasartutut siuttulluni.

Suliffeqarfissuup Europa pingaarnertut tuniniaaffigisarpaa kaaviiaartitaasa 47 %-ii tassanngaanneersuulllutik, Kangia tulliuvoq kaaviiaartitat 27 %-inik pissarsiffiusarluni, Skandinavia 19 %-it kiisalu Kalaallit Nunaat kaaviiaartitat 0,4 %-iinik isertitsiffiusarluni.

Suliffeqarfissuaq ukiumut 5 milliarder koruunit angullugit kaaviiaartitaqartartoq nunarsuaq tamakkerlugu 2.769-inik sulisoqarluni, taakkunannga 1.400-t Kalaallit Nunaanni sulisuullutik.

 
 

Royal Greenland aperiguk

i
Write the text from the image