Kalaallit aalisarnikkut piniarnikkullu ileqqutoqaasa tanngassimaarutissaasup kiisalu Danmarkip Europami aalisartoqarfissuit ilaattut inissisimanerata aalajaatsumik tunngavissippaatigut.

Ukiuni 230-nik amerlanerusunik Royal Greenlandi imaani pisuussutinik pitsaalluinnartumik tunisassiortutut ilisarisimaneqarpoq. Oqaluttuarisaanerput 1774-imi aallartippoq, Kalaallit Nunaanni niuerneq tamarmi danskit naalagaaffiannit ingerlanneqalermat, taamalu Den Kongelige Grønlandske Handeli (KGH) tunngavilerneqarmat.

 [ Error ]

Pitsaalluinnartumik tunisassiortutut ilisarnaat

Den Kongelige Grønlandske Handeli 1950-i tikillugu naalagaaffimmi kisermaassilluni niuernikkut ingerlatsiviuvoq, 1985-ilu tikillugu suliffeqarfittut ingerlanneqarluni, nunatta avataanut tunisassiortutut Proeks-inngortinneqarnini tikillugu. Piffissap sivikitsup ingerlanerani Proeks Royal Greenlandinngortinneqarpoq, taamalu kalaallit tunisassiaataanik pitsaalluinnartunik suliaqartutut ilisarisimaneqalerluni.  1979-imi Namminersornerullutik Oqartussat suliffeqarfimmik ingerlatsilerput, 1990-imilu aktieselskabitut ingerlatsivinngortillugu. Royal Greenlandi ullumikkut Kalaallit Nunaata aningaasarsiornerani pingaarnerpaamik inissisimasutut isigineqarpoq.

Kunngikkormiunut pilersuineq

Ukiuni hornorujulikkaani suliffeqarfiit inuillu ataasiakkaat kunngikkormiunut inuussutissanik pilersuisutut taaguuserneqartarput. Royal Greenlandilu 1985-imi kunngikkormiunut pilersuisunngorpoq, taamalu Det Kongelige Danske Hof-imut usorsisimaarutigisaminik aalisakkanik qalerualinnillu pilersuisunngorluni.

Siunissamut aningaasaliineq

Imaani pisuussutinik tunisassiornermi siuuttutut ingerlatsinitsinni periutsitta tunisassiattalu pitsaasuunissaat sulissutigiuarpavut, atuisut ullutsinnut naleqqussakkanik pilersorneqarnerminni pisariaqartitaat aallaavigalugit. Kingullertut aningaasaliiffigisatta ilagaat:

Kalaallit Nunaanni Ilulissani Sisimiunilu,kinguppannut suliffissuaatitta nutarterlugillu piorsaaviginerat. Atortorissaarutit nutaaliaalluinnartut ikussuunneqarput, taamalu suliffissuit pineqartut ullumernit pitsaanerusumik kinguppannillu pitsaassutsimikkut pitsaalluinnartunik tunisassiorsinnaalersillugit.

Nipisaat suaannik suliaqartussamik Tysklandimi suliffissuarmik pisineq, taamalu Kalaalit Nunaanni suannik nutaalluinnarlutik pisarineqartunik pilersuisinnaanngorluta.

Danmarkimi suliffissuaq nutaaq, Modificeret Atmosfære Pakningsteknologimik, imaluunniit Royal Greenlandimi Easy Pack-imik taagukkatsinnik suliaqartussaq.

Tamakkua saniatigut Royal Greenlandi namminersortunik aamma pisortanit ingerlanneqarlutik misissuiffinnik suleqateqarpoq, tunisassiatsinnik suliaqarnermi aamma tuniniaanermi periutsinik ineriartortitsisunik.

 
 

Royal Greenland aperiguk

i
Write the text from the image