Inuussutissat peqqissutsimut ulorianartuunnginnissaannut nakkutiginninnermilu maleruagassat qaffasinnerpaat atorlugit Royal Greenland nioqqutissiorpoq. 

Pitsaassutsimik nakkutiginninnermi siunertaavoq nioqqutissiat isikkuisa, mamassusaasa, tikkisa, issorussimanerisalu nalilersinnaanerat. Aamma ilaavoq inuussutissat peqqissutsimut ulorianaateqannginnissaannut tunngasut maleruagassallu naliginnaanerpaat atorlugit pitsaassusaasa nalilerneqarsinnaanerat.  

Pitsaassutsimut nakkutiginninnermi najoqqutarineqartut ilagaat HACCP (Hazard Analysis Critical Control Points), immikkut eqqumaffigineqartariaqartunik suliffeqarfiup nammineerluni misissuinissaanut najoqqutassat. Najoqqutaq taanna aallaavigalugu nioqqutissiassani nioqqutissiornermilu aporfissat/eqqumaffigisassat misissuiffigineqartarput. Siunertaavoq nioqqutissiornermi atortut tamaasa ilisimaarilernissaat tassunga naapertuuttumik nakkutiginninnerup ingerlanissaa. Periuseq pissusissaatut malinneqarnersoq suliffeqarfimmit imminermit avataaneersunillu naliliiffigineqartarpoq. Tassunga tunngatillugu Royal Greenlandimit suleqatigineqarput soorlu IFS (International Food Standard) aamma BRC (British Retail Consortium).

Eqqiluisaarnermut pitsaassutsimullu tunngatillugu ilinniartitsinerit

Pitsaassutsimik nakkutiginninnermut Royal Greenlandip malitaa nioqqutissiornermi atuutsinneqarpoq. Sulisut pikkorissut pitsaassutsimullu eqqummaarinnittut sulisoraagut. Pitsaassutsimik nakkutiginninnermik sulisugut siunnesuisarput, atuutsitsisoqarneranik nakkutiginnillutik nutaanillu iliuuserisanik nalilersuisarlutik. Nioqqutissiorfinni tamani eqqiluisaarnermut pitsaassutsimullu tunngasunik ilinniartitsinerit ingerlanneqartarput. Isumannaatsutitsineq nakkutiginninnerlu taamaasilluni qulakkeerneqartarpoq.  

[ Error ]

 
 

Royal Greenland aperiguk

i
Write the text from the image