Inussutissalerinermi najoqqutassatut akuersissutit amerlasuut Royal Greenlandimit anguneqarsimapput.

Pisiniarfissuit pisiffigisaminnut ornigullutik misissuisarnerat ileqquusimavoq ukiorpassuarni ingerlataq. Pisiniarfissuit taakkunanngalu pilersuisut pitsaassutsimik nakkutiginnittui nakkutilliinermik isumaginnittarput. Suliarli imaannaanngitsuuvoq annertusiartuinnarlunilu, assigiinngitsunik patsiseqartoq. Pisisartut piumasaqaataat annertusiartuinnartut, pisiniarfissuiarnut taakkuninngalu pilersuisunut piumasaqaatit nutartertuartut, inatsisitigut piumasaqaatit sakkortusiartortut killeqarfiillu akimorlugit assartuinerit ajornannginnerulersut. Taamaatumik pisiniarfissuit amerlasuut aalajangersimapput namminneq pilersitaminnik pitsaassutsimut inuussutissallu ulorinaateqannginnissaannik qulakkeerinnittunik maleruagassiorniarlutik. Taakku tassaalersimapput: British Retail Consortium (BRC), International Food Standard (IFS) amma Marine Stewardship Council (MSC).

Nalunaaqutserneqarneq

IFS-ip BRC-llu najoqqutassiaat atorlugit nalunaaqutserneqarnissamik qinnuteqartut pilersuisut suliffeqarfiillu arlaannut attuumassuteqanngitsumik naliliiffigineqaqqaartarput. Taamaaliornikkut akuusut tamarmik imminnut attuumassuteqartinneqarneq ajorput. Nalilersuinermik naliliisartut qulakkeertarpaat aaqqissuuseriaatsip uppernartuunissaa pisiniarfissuillu tassunga tatiginninnissaat. Imaanngilaq nalunaaqutserneqarneq inatsisitigut piumasaqaataasoq. Tassaavorli pitsaassutsimik qulakkeerinnittoq.  

Royal Greenlandip nalunaaqutserneqarneri

Royal Greenlandip nalunaaqutserneqarnissi sulissutigiuarpaa maannamullu makku angusimalerlugit:

Canada (Mantane) - BRC aamma MSC-standarder; rejet uutat qalipaajaakt aamma rejet lagemut kinitat.
Danmark (Aalborg) - BRC , IFS aamma MSC standarder; rejet qalipaajakkat, rejet uutat qalipaajakkat, aamma rejet lagemut kinitat.
Danmark (Glyngøre) - IFS aamma MSC-standarder; lagemut kinitat nioqqutissiat, nioqqutissiat marinerikkat, salat, aalisakkat qalliusikkat, butterdejimik qallikkat, aalisakkanillu frikadelliliat. 
Kalaallit Nunaat (Ilulissat) - BRC-standard; rejet uutat qalipaajakkat.
Kalaallit Nunaat (Sisimiut) - BRC-standard; rejet uutat qalipaajakkat.
Kalaallit Nunaat (Paamiut) - BRC-standard; rejet uutat qalipaajakkat.
Tyskland (Wilhelmshaven) - BRC , IFS aamma MSC-standarder; aalisakkat qalliusikkat, aalisakkat aserortikkat, akusaanngitsut, aalisakkat miserallit, aalisakkanik suppeliat aamma aalisakkat immikkat. 
Polen (Koszalin) - BRC , IFS aamma MSC-standarder; aalisakkat qalliusikkat, akusaanngitsut, tournedos, aalisakkat miserallit aamma suppeliat.  

British Retail Consortium (BRC)

BRC tassaavoq tuluit najoqqutassiaat suliffeqarfinnut Tuluit Nunaannut tuniniaasunut atorneqartartoq. Tuluit pisiniarfissui suleqatigiillutik najoqqutassamik pilersuisunik akuersinermi atorneqartartumik suliaat. BRC standard tassaavoq pingaartuni arfinilinnut immikkoortumi piumasaqaatit; taakkununnga ilaalluni eqqiluisaarnermut tunngasoq. Taassumap saniatigut pitsaassutsimik nakkutiginninnermut, sullivimmi avatangiisinut, nioqqutissianik nakkutiginninnermut aammalu nioqqutissiornerup ingerlaarneranut sulisunullu tunngasut piumasaqaatit ilaapput.

BRC-mik nalunaaqutserneqarneq ukiumut ataatsimut atuuttarpoq.

Paasissutissat amerlanerusut uani takuneqarsinnaapput - BRC.

International Food Standard (IFS)

Tysklandimi pisiniarfissuit kattuffiata, Hauptverband des Deutschen Einzelhandels-ip, aamma franskit pisiniarfissuisa kattuffiata, Fédération des Entreprises du commerce et de la Distribution-ip ilaasortai suleqatigiillutik ineriartortitsisimapput namminneq atitik atorlugit tuniniartakkaminnik pilersuisunut atatillugu pitsaassutsimut inuussutissallu peqqissutsimut ulorianaateqannginnerannik qulakkeerinnittussamik.  

IFS-mik nalunaaqutserneqarneq ukiumut ataatsimut atuuttarpoq. Paasissutissat amerlanerusut uani takuneqarsinnaapput - IFS.

Marine Stewardship Council (MSC)

Unilever aamma World Wildlife Foundation suleqatigiillutik 1997-mi pilersippaat Marine Stewardship Council (MSC). 1999-mi MSC immikkut ingerlalerpoq. Avatangiisit eqqarsaatigalugit MSC-ip najoqqutassiaani pineqartut ilagaat nungusaataanngitsumik aalisarneq FAO-p nungusaataanngitsumik aalisarneq pillugu qanoq pissusilersornissamut innersuussutaanik aallaavilik. MSC-mi tunngavigineqartut pingasunut immikkoortinneqarput;  nungusaataanngitsumik aalisarneq, avatangiisit minnerpaamik sunnerlugit atuinissaq aammalu nakkutiginninneq tamakkiisoq. 
Suliffeqarfiup MSC-imik nalunaaqutserneqarsimasup ilisarnaat nioqqutissiaminut ikkussinnaavaa. Ilisarnaat atorlugu pisisartut oqaluttuunneqassapput nungusaataanngitsumik aalisarneq illersorneqartoq.

MSC-imik nalunaaqutserneqarneq ukiunut tallimanut atuuttarpoq. Piffissami tassani nioqqutissiorfiit ukiumut ikinnerpaamik ataasiarluni alakkarneqartarput, qulakkeerniarneqarluni MSC-ip piumasaqaatai malillugit ingerlasoqarnera.

Paasissutissat amerlanerusut uani takuneqarsinnaapput - MSC.

 
 

Royal Greenland aperiguk

i
Write the text from the image