Aalisakkanik qalerualinnillu pitsaalluinnartunik nioqqutissiornissamik anguniagaqarnitsinnut ajaappiaq pingaarutilik tassaavoq pitsaassutsimut politikkerput.

Royal Greenlandimi anguniagaraarput nioqqutissiornerup immikkoortuini tamani pitsaassuseq qaffasinnerpaamiissasoq.  Inuussutissalerinermi peqqissutsimut ulorianaateqanngilluinnartunik aalisakkanik qalerualinnillu nioqqutissiorpugut pisisartullu pitsaassutsimik naatsorsuutigisaannik isumagisarlugit.  

Pitsaassutsimut politikitsinni sammineqarput pitsaassutsip qanoq ittuunissaanut isumarput, inuussutissalerinermi peqqissutsimut isumarput aammalu inuussutissanut peqqissutsimullu isumarput.

Pitsaassuseq

  • Pisortat suleqatigaagut inatsisillu atuuttut malinnaavigaagut.
  • Pitsaassuseq pillugu pisisartugut suleqatigigaagut piumasaqaatillu pillugit qisuariapallattarluta.
  • Nioqqutissiorfiit annerit BRC* aamma/imaluunniit IFS*-mik akuerisaapput.
  • Nioqqutissiat pitsaassusaat nakkutiginninnitsigut uppernarsarsinnaavarput.
  • Pisisartup noqqaaneraniit tunniussinissarput 98 procentiussasoq siunertaavoq.
  • Pitsaassuseq inuussutissalerinermilu peqqissutsimik sillimaniarnerput pillugu pisisartut uppernassuseqartumik suleqatigaagut.
     

Nioqqutissiat isumannaatsuunissaat

  • Pitsaassutsimik nakkutiginninnermi atatillugu Royal Greenlandip HACCP-kvalitetsstyringssystemia ISO 22000-mut qaffanneqarpoq.
  • Immikkut eqqumaffigisariaqarsinnaasut nalilersortuarnerat pitsaassutsimik nakkutiginninneq tunngivilerneqartarpoq.
  • Nioqqutissiat nutaat, piumasaqaatit eqqumaffigisariaqakkallu immikkut isiginiarnerisigut pitsaassutsimut nakkutiginninneq akuttunngitsumik naliliiffigineqartarpoq. 
  • Eqqumaffigisassat nutaat piareersimaffigiuaannarpagut.
  • EU-mi piumasaqaatit naapertorlugit fabrikkigut aserfallatsaalineqartarput pinaveersaartitsinerillu ingerlanneqartarlutik.
  • Nioqqutissiassat, poortuutissat akuutissallu aggerfii uppernarsarsinnaavagut. 
  • Nioqqutissiat niuerfinniilereersimasut utertinissaat timialunnguit atorlugit isumagisarparput. 

Inuussutissat peqqissuserlu

  • Akuutissat saperneqarsinnaasut pillugit paasissutissat poortuutissanut allattarpagut.
  • Saperneqarsinnaasut nioqqutissanut allanut ingerlaqqinnginnissaat anguniarlugu nioqqutissiornermi periuutsit aalajangersimasut atuutsippagut. 
  • Pisisartup nammineq aalajangiisinnaanera piumallugu pisiniarfissuarni tunisassat poortuutissaannut allattarparput inuussutissat qanoq ittuunerat. 
  • GDA* aamma nøglehulsmærkning*, niuerfinni ataasiakkaani atorneqartarput.
  • Najoqqutassat aalajangersimasut iluanni nersorinninniutit atortarpagut.
  • Aalisakkap peqqinnartuunera pissutigalugu sapaatip akunneranut marloriarluni aalisagartortarnissamik kaammattuineq pillugu ilisimatitsisarpugut. 
     

* BRC = British Retail Consortium
* IFS = International Food Standard
* GDA = Guideline Daily Amount (ullormut pisassatut innersuutaasoq)
* Nøglehulsmærkning = Pitsaassutsimut ilisarnaat Skandinaviami atorneqartoq.

 
 

Royal Greenland aperiguk

i
Write the text from the image