Naammagittaalliuutit ikittuararsuit tigusaraluarlutigit uagutsinnut apuuttut pimoorullugit suliarineqartarput. Naammagittaalliuutit tamarluinnarmik pimoorunneqarlutik, sukkasuumik ammasumillu pissuseqarluni suliarineqartarnissaannik aalajangersagaqarpugut. Naammagittaalliuutit tamarmik - pisisartumit atuisumilluunniit pigaluarpata - nalunaarsorneqassapput, ajornartorsiutillu pitsaanerpaamik sukkanerpaamillu aaqqinneqarnissaanut pilersaarusiortoqassalluni. Pinerit tamaasa ataqqineqassapput maleruagassat, inuussutissat peqqissutsimut ulorinartuunnginnissaat pisisartullu kissaataat.  

Naammagittaalliuutit fabrikkimiit fabrikkimut

Kukkuneq qanorluunniit annikitsigigaluarpat nassaartorlu uaguugaluarpat kukkuneq aaqqinneqassaaq qulakkeerneqassalluni taamak pisoqaqqinnginnissaa. Immikkoortortaq akisussaasoq isumasiorneqassaaq siunissamilu taama pisoqaqqinnginnissaa pilersaarusiuunneqassalluni.

Naammagittaalliuutit avataaniit

Avataaniit naammagittaalliortoqartllugu maleruagassat immikkut ittut malinneqassapput. Saaffiginnissutip imaa nalilersorneqassaaq tassungalu naapertuuttumik pilersaarusiortoqassalluni. Nioqqutissiaq aalajangersimasoq kukkunertaqarpat taakku utertinnissaat aamma pilersaarusiuunneqassaaq. 

Naammagittaalliortoqarniaruni poortuutissami adresse atorlugu naammagittaalliuut nassiunneqassaaq imaluunniit sumiiffimmi tuniniaanermik suliallit attaveqarfigineqassallutik. 

Aamma uunga allallutit naammagittaalliuteqarsinnaavutit:

reklkundeservice@royalgreenland.com

 
 

Royal Greenland aperiguk

i
Write the text from the image