Ukiorpassuarni ilisimatusartarnerit ersersippaat aalisakkat timimut qaratsamullu peqqinnartuusut. Inuussutissalerinermik Aqutsisoqarfik allallu ingerlatsisoqarfiit pingaarutillit siunnersuutigisarpaat, inersimasut meeqqallu angisuut sapaatip akunneranut marloriarlutik aalisagartortarnissaat. Aalisagartornissamut peqqutaasinnaasut:

  • Omega-3 aalisakkap orsuaneersoq qaratsap sananeqaataanik aaqqitsitsisarlunilu sanaartorsinnaavoq
  • Aalisagartorluartarneq eqqaamallaqqissitsisarpoq
  • Omega-3 Alzheimersimik nappaateqalernissamut pinaveersaarutaasinnaavoq
  • Omega-3 uummatitigut taqqatigullu napaateqalernissamut annikillisitsisarpoq
  • Aalisakkat D-vitaminimik pissarsissutaasinnaapput

Kalaallit Nunaanni ukiup qanoq innera apeqqutaatillugu nutaanik aalisagartugassaqartuaannangajattarpugut, Royal Greenlandilli aalisagaatai qerisut ajornerunngilluinnarput sinerissamilu tamarmi pisiarineqarsinnaallutik. Royal Greenlandip aalisagaatai pisarineqarnerisa kinguninngua qeritinneqartarput taamalu aalisakkatut nutaatulli pitsaatigisumik inuussutissartaqarlutik.

Nerisassiornermut ilitsersuutinik alutornartunik Royal Greenlandip nerisassiornermik ilitsersuutinik nalunaarsuiffianit saqqummersillattaasarpugut, taakkunanilu aalisakkat imarmiullut qaleruallit ulluinnarsiutitut iganeqarsinnaasunik isumassarsiorsinnaavutit.

 
 

Royal Greenland aperiguk

i
Write the text from the image