Akussat – inunnut sisamanut

√ Raajat 400 grammit

√ Iffiaq-qaqortumit kilitat sisamat

√ Bakki ataaseq cherrytomatinik imalik

√ Timian – avalequtinnguaq ataaseq

√ Basilikum – qilertaq ataaseq

√ Parmesan 100 grammi

√ Hvidløgip immikkoortua ataaseq

√ Olivenolie – deciliteri ataaseq

√ Taratsut qasilitsillu


Periaasissaq

Iffiaq-qaqortoq uuliamik taneriarlugu siatsivimmi grillerissummi imaluunniit kissarsuummi sivikitsumik grilleruk.

Tomatit affanngorlugit aggukit kingornalu timianinik, olivenoliemik, taratsunik qasilitsunillu mamarsaaserlugit. Mamarsaasereerukkit kissarsuummi 125°C-imik kissassusilimmi minutsit 20-t missaanni sivisussusilimmik uukkit.

Basilikumit, parmesani, hvidløgi aamma olivenolie maskiina akoorut atorlugu sequtserlugit akulerutikkit. Basilikuminik parmesanimillu pinnersaatitut atugassannik sinneqartitsilaarit.

Iffiaq-qaqortoq grilligaq tomatinik raajanillu qalllersuuseriarlugu basilikuminik parmesanimillu pinnersaasissavat naggataatigullu qaava taratsunik qasilitsunillu nakkaalatitsivigalugu. Tamatuma saniatigut tomatinik allanik salaatinillu mamartunik sassaalliigit.

Nerisassiarineqarsinnaasut allat: Raajat, aalisakkat, qaaqqusinermi sassaalliarineqarsinnaasut, nerisassiat meeqqanut naleqquttut, siuleqqiutit,