Akuutissat – inunnut sisamanut

√ 4 oquuttat nerpii saaneqanngitsut raspimik qallikkat

√ 4 porret

√ 2.5 dl fløde

√ Maizena

√ 50 g raspit

√ dild

√ Taratsut qasilitsullu


Meeqqanut naleqquppoq: Aap

Nerisassiornerup sivisussusaa: Minutsit 30-t


Periaaseq


Oquuttat nerpii saaneqanngitsut raspimik qallikkat sikallugit kajortilaanngualaarlugillu siakkit imaluunniit taratseriarlugit kissarsuummi uunnakkit.

Porret salikkit allerpaavilu marlunngorlugit qeqqatigut avikkit, nuui amitsunngorlugit aggukkit kingornalu imermik salilluarlugit. Allerpaavi marlunngorlugit avitat aqilinissaasa tungaanut imermut annikitsuararsuarmik taratsikkamut uukkit, ooreerukkillu qaqinnerani kusertilluarlugit - qajua igissanngilat atoqqissagakku – kingornalu niutsivimmut ilillugit.

Qajua flødeleruk kinertinnissaatalu tungaanut Maizenamik kinersarlugu.

Porret nuui amitsunngorlugit aggukkat miseqqamut akuliuteriarlugit kissalluakkit. Porret uutat miseqqiamik kuikkit kingornalu raspinik immussuamillu sequtsikkamik nakkalaativigalugit. Akuukkap qaava kajortinnissaata tungaanut kissarsuummi uunnaguk.

Dildinik kusassaruk naatsiialerlugu imaluunniit qaqorteqqasulerlugu ingerlaannaq sassaalliutigiuk.