Akuutissat – inunnut sisamanut

√ 400 g Raajat

√ 2 squashit

√ 1 dl creme fraiche

√ 0.5 citroni

√ 2 alussaatinut olivenuulia

√ 1 purløgit qilertaq

√ Taratsut qasilitsullu



Meeqqanut naleqquppoq: Aap

Nerisassiornerup sivisussusaa: Minutsit 20-t


 

Periaaseq


Squashit amitsuaranngorlugit aggoriarlugit (assaligut – madolinjerni – atorneqarsinnaavoq) taratsikkit aqilinissaasalu tungaanut minutsini qulini uninngatikkit.

Squashit imermik nillertumik errortoriarlugit panerserluakkit. Citronip isseranik, olivenuuliamik, taratsunik qasilitsunillu akuukkamut akulerutikkit.

Purløgit mikisuaranngorlugit aggoriarlugit cremefraichemut akulerutikkit. Akuugaq taratsunik qasilitsunillu mamarsaaseruk.

Squashit akuukkamut akulerussat cremefraichep qaavanut ilikkit. Raajanik dildinillu nakkalatsivigikkit. Iffialerlugit sassaalliutigikkit.