Akuutissat - inunnut sisamanut

Periaaseq

√ 600 g raajat

√ 3 kuuloruujut

√ 2 uanitsut

√ 1 aspargesit qaqortut igalaaminermiut

√ 4 dl aalisakkap qajua

√ 1 dl fløde

√ 5 alussaammut qajuusat

√ 5 alussaammut punneq

√ dildit

√ kørvelit

√ Mitzunasalaatit

√ rødbedebladit

√ 2 tomatit

√ Rapsuulia kissataanngitsoq

√ citronip issera

√ taratsut qasilitsullu

√ tartelitsit

Meeqqanut naleqquppoq: Aap

  

Tartelitsit akui:

Aspargesit qajuat aalisakkap qajuanut kuiuk. Naatitat qalipaajariarlugit aggukkit kingornalu aalisakkap qajuata kinertinnginnerani qajuani uukkit. Punneq igamut aatseriarlugu qajuusaleruk kingornalu miseqqiassaq naqqanit kaanngartalernissaata tungaanut aalalluaruk. Aalattuarnerani kinertilaarnnissaata tungaanut aalisakkap qajuanik kuisillattaarit. Miseqqiaq flødeleriarlugu kinertinnissaata tungaanut qallaartiguk. Kuuloruujut, uanitsut, aspargesit raajallu miseqqiamut akuleruteriarlugit uunnakkit.

Tartelitsit:

Naammasseriikkat pisiarineqarsinnaapput, namminerli tartelitsiliorneq pisariippoq.

Butterdeji - qillarluttoq annertuumik pullassinnaajunnaartillugu naqittagaq - centimeterimik affarmik issussuseqalersillugu assalikaat atorlugu siaartiguk. Kaagiliorfeeqqat tanitat tartelitsiliassamik naqittagalersukkit. Tartelitsiliassat tamaasa immikkut kaagiliuummik pappiaralersoriarlugit uunnanneranni pullaqqunagit eertanik panertunik assigisaanilluunniit immikkit. Kajortilaarnissaasa sikattunngornissaasalu tungaannut kissarsuummi 200 gradinngorlugu kissariikkami minutsini 10-15-ini iffiukkit.

Salatit:

Salaatit naasullu mamarsaatissat imermik saleriarlugit assannik aggukkit. Tomatit umiatsiaarasanngorlugit aggoriarlugit kigutaajakkit kingornalu amitsuaranngorlugit aggukkit. Aggukkatit tamaasa skålimut ikillugillu akuleruteriarlugit uuliamik citronillu isseranik akukkit. Taratsunik qasilitsunillu mamarsaasikkit.




Asseq

 
 

Royal Greenland aperiguk

i
Write the text from the image