Akussat – inunnut sisamanut

  

Periaaseq

√ 16 kapisilimmit pujuukkamit kilitat

√ 1 agurki

√ 1 purløgit - qilertaq ataaseq

√ 3 dl uulia soorlu solsikkeuulia

√ 150 g hytteosti

√ 4 immiugassartalimmik iffiaq-qaqortumit imaluunniit iffiaq-qaqortumit taartumit kilitat

√ 4 alussaateeqqamut kapisillit suaat imaluunniit nipisat suaat

√ 1 dildit – avalequtinnguaq ataaseq

√ Taratsut qasilitsullu

Meeqqanut naleqquppoq: Aap
Nerisassiornerup sivisussusaa: Minutsit 20-t

Purløgit aggoriarlugit uulialeriarlugillu akulerutsitsissummik akuleruteriarlugit taratsunik qasilitsunillu mamarsaasikkit.

Hytteosti immuliap qajorlaajariarlugu errortoriarlugulu imertaajarluaruk. Hytteosti uuliamik purløginik akusamik annitkitsumik akoriarlugu taratsunik qasilitsunillu mamarsaaseruk.

Agurki qalipaajariarlugu marlunngorlugulu averiarlugu kigutaajaruk kingornatigullu uuliamik purløginik akusamik, taratsunik qasilitsunillu mamarsaasikkit.

Iffiaq-qaqortoq immiugassartalik aggoriarlugu aggukkat siatsivimmi annikitsumik uulialikkami punnilikkamiluunniit sikalaakkit. Kingornatigut kissarsuummi sikattunngorlugit kissariarlugit mikisuaranngorlugit aggukkit.

Agurkit angisuunngorlugit aggoriarlugit kapisilimmit pujuukkamit kilitat ilanngullugit puuguttamut ileriarlugit mamarsaasikkamik hytteostilikkit sikatanillu immiugassartalimmik iffiaq-qaqortulikkit. Dildinik nutaanik aamma kapisillit suaannik imaluunniit nipisat suaannnik pinnersaaseriarlugit saniatigut iffiaq-qaqortulerlugit sassaalliutigikkit.

Kapisilimmik pujuukkamik nerisassiaq peqqinnartuuvoq, ulluinnarnilu ajornanngitsumik imaaliallaannarlu nerisassiarineqarsinnaavoq.

Asseq

 
 

Royal Greenland aperiguk

i
Write the text from the image