Akuutissat - inunnut sisamanut

 Periaaseq

√ 4 saarulliit nerpii

√ Punneq

√ Taratsut qasilitsullu

√ 400 g naatsiiat

√ 2 porret

√ 3 skalotteløgit

√ 8 dl kukkukuup qajuanik kimittorsaat

√ 1 dl fløde

√ 1 laurbærbladi

√ 0.5 purløgit qilertat

√ 1 dl vindruekerneuulia

√ Croutonit



Meeqqanut naleqquppoq: Aap


  

Saarulliit nerpii aassikkat niusivimmut marrarmut tanitamut ilikkit. Taratsikkit qasilitsulerlugillu qaavilu annikitsumik punnilikkit. Saarulliit nerpii kissarsuummi 160°C-inngorlugu kissariikkami minutsit qulit missaani sivisutigisumik uukkit. Uuppallaarniaqinagit - isseeruteqinapput. Nerpit saattukujuunngorlutik katagarpata qalassimassapput, suppamili qalavittussaammata kissarsuummiit siusinnerusukkut qaqikkit.

Naatsiiat qalipaajariarlugit kipparissunngorlugit aggukkit. Porret qaqortortai saattuaranngorlugit aggoriarlugit imermik salilluakkit. Uanitsut qalipaajariarlugit saattuaranngorlugit aggukkit. Uanitsut aggukkat uuliamut annikitsumut siakkit, kingornatigullu porret naatsiiallu akuleruteriarlugit kukkukuup qajuanik kimittorsaammik laubærbladinillu akukkit. Naatsiiat aqililluarnissaasa tungaanut suppaliaq minutsit 20-t missaani sivisutigisumik qalaartilluaruk. Laurbærbladit peeriarlugit suppaliaq sequtserummik akulerutissavat flødelerlugulu. Taratsunik qasilitsunillu mamarsaaseruk.

Purløgit qalattumut sivikitsumik ooriarlugit purløgit ernga tamaat kuiguk. Uulialeriarlugit sequtserummi minutsialunni akulerutikkit, sequtserulli kissattoortinnaveersaruk. Akuugaq nakkalatserutikkut nakkarteriarlugu uuliaannanngornissaata tungaanut uninngateriarlugu uuliartaa puussamut immiuguk. Uulia sapaatip-akunnera ataatsimit sivisunerusumik nillataartitsivimmiitillugu pissamaatigineqarsinnaalluarpoq.

Iffiaq-qaqortoq kipparissuaranngorlugu aggoriarlugu aggukkat sikattunngornissaasa tungaanut kissarsuummi 75°C-inngorlugu kissariikkami nalunaaquttap-akunnerni arlalialunni panertillugit kissakkit. Taakkua atornissaannut ulloq ataaseq sioqqullugu panertillugit kissanneqarsinnaapput.

Saarulliit nerpii puuguttanut itisuunut ileriarlugit sinaasigut suppalikkit, uulialikkit naggataatigullu croutonilikkit.


Asseq

 
 

Royal Greenland aperiguk

i
Write the text from the image