Royal Greenland suliffeqarfiuvoq nunarsuarmi siammarsimasoq inuiaqatigiinnillu kalaallinit aallaaveqartoq. Kalaallit Nunaanni Namminersorlutik Oqartussanit pigineqarpoq. Taamatuttaaq Kalaallit Nunaanni suliffeqarfinni annersaavoq, tamannalu avatangiisilerinermi inuiaqatigiinnullu akisussaassuseqarnermik nassataqarpoq.

Taamaattumik inuiaqatigiinnit piginnittunillu kalaaliusunit pitsaanerpaamik angusaqarfiulluartumik aalisakkanik tunisassiornermik ineriartortitsinissarput tunisassiornissarpullu suliassatta pingaarnersaraat.

Aallussavullu nungusaataanngitsumik aalisarneq soorunami tunngavigalugu ingerlanneqarput.

Inunnik avatangiisinillu ukkassineq

Royal Greenland oqaatsit pingasut P-mik aallaqqaatillit; People, Planet aamma Profit – tassa Inuit, Nunarsuaq aamma Sinneqartoorneq tunngavigalugit aallussaqarpoq. Suliffeqarfiit allat assigalugit sinneqartooruteqarnissarput pingaartipparput, taamaattorli inuiaqatigiit kalaallit patajaallisarsinnaajumallugit inuit avatangiisillu aamma pingaartippavut.

Royal Greenland Academy suliniutitta ilagaat, tamatumanilu ilaatigut sulisut ilinniakkamik ingerlatsinissaannut ilaatigullu ilaqutaat ilanngullugit inuttut ineriartorneq pillugu pikkorissarnissaannut neqerooruteqarfigisarpavut. Sulisut sutigut tamatigut pikkorissut pingaaruteqarput.

Avatangiisilerinermut tunngasutigut aamma suliniuterpassuaqarpugut, taakkualu siunissaq ungasinnerusoq eqqarsaatigalugu Atlantikup avannaata Issittullu imartaanni nungusaataanngitsumik aalisartarnissatsinnik qulakkeerisuussapput.

  • Ilisimatusaatigalugu suliniutit annertuut peqataaffigaavut: Kingulleq peqataaffigisarput immami aalisagaqarfinnut pissuseqatigiinnullu tunngavoq, tamatumanilu aalisartut immami sumiiffinnik aalajangersimasunik eriaginninnerunissaat anguniarlugu ilisimasaqarnerulernissaat siunertaavoq.
  • Soorlu aalisaaatit tungaatigut apeqqusiiuaannarpugut: Assersuutigalugu raajartavut qalunik eqalussuit pulaqqunagit assiaqutitalinnik raajallu mikivallaartut avalatseqqinnissaannut nakkartitsivittalinnik kilisanneqartarput. Taamaasilluta raajarniarnermi saniatigut pisarisartakkavut minnerpaaffissaanniitittarpavut
  • Maangaannartitserusunnata aalisakkamik/qalerualimmik sapinngisamik atorluaanissarput anguniartarparput: Soorlu raajat qalipaat Ilulissani tunisassiorfiutitsinni qajuusiarisarpavut, qaleraliullu ilivitsup amia saarngilu taamaallaat iginneqartarmata agguaqatigiisillugu 91 %-ia tunisassiarisarparput
  • Tunisassiavut MSC-itut akuerisat amerlamerulernissaat sulissutigiuarparput: Soorlu raajat, nipisat suaat, oquuttat saarulliillu MSC-itut akuerisaapput. Isumaqarpugulli pissuseqatigiiaat aalisakkallu allat MSC-itut akuerisaanngikkaluarlutik nungusaataanngitsumik aalisarneqarsimasutut taaneqarsinnaasut. MSC-itulli allagartaqarpata aalisarnermi allaffissornikkut ingerlatsinerit, ilisimatusarnerit misissuinerillu patajaallisarneqarsinnaapput.

Najoqqutassiaq People – Planet – Profit pillugu paasisaqarnerorusukkuit paasissutissat qallunaartoortut uani atuakkit.

Asseq

 
 

Royal Greenland aperiguk

i
Write the text from the image