Copenhagen Cooking & Food Festivalip ingerlanneqarnerani CPH Food District Brune Kødbymi - tassa Øksnehallenimi - ingerlanneqarpat Royal Greenland nittarsaassisoq alakkarsinnaavat.

Nutaarsiassanik nittarsaassinitsinni sammisaq Breaking the New tunngavigaarput, taamaattumik tunisassiavut nutaat mamarunartullu assigiinngitsut tallimat - niuertarfinni suli nioqqutaalinngitsut - nittarsaatissavavut!

Alakkaagit tunisassiavullu nutaat mamartullu GOURMET Sliced røgprodukter - kapisillit aamma saarulliit Kalaallit Nunaata imartaaneersut pujuukkat issusuunngorlugit kilitat ooqattaariartukkit - kilitat 7 mm-imik issussuseqarput siuleqqiusiornermilu atussallugit naleqqulluinnarput. Issusuunngorlugit kilitat mamarluinnartuullutillu nalissaqanngillat. Taamatuttaaq tunisassiavut nutaat assigiinngitsut pingasut - tassaasut aalisakkat kissartumik pujuukkat; qalerallit Kalaallit Nunaata imartaaneersut, kapisillit qasilitsullit aamma kapisillit akuutissalersugaanngitsut ooqattaariartukkit.

Øksnehallenip sinnerani aamma Kvægtorvemi nerisassanik nittarsaassinerit allat, iganermut unammisitsinerit, iganermut atortunik niuerfik, tunisassiat soqutiginartut, imigassat akuukkat allarpassuillu alakkarsinnaavatit. Copenhagen Cooking & Food Festivalimi pisussat pillugit pilersaarut uani pissarsiariuk, tassani aamma bilitsinik pisisinnaallutillu nittarsaassineq pillugu paasissutissanik amerlanerusunik pissarsisinnaavutit.

Ammasarfiit:

Tallimanngorneq: Nal. 14:00-20:00
Arfininngorneq: Nal. 10:00-20:00
Sapaat: Nal. 10:00-16:30

Asseq

 
 

Royal Greenland aperiguk

i
Write the text from the image