Akuutissat- inunnut sisamanut

 Periaaseq

√ 4 qaleralit nerpii

√ 60 g punneq

√ 0.5 persillit kanaartallit silittunillu pilutallit qilertat

√ 25 g raspit

√ 50 g immussuaq parmesani

√ Taratsut qasilitsullu

√ 4 skalotteløgit

√ 100 g perlebygit

√ 0.5 literi kukkukuup qajuanik kimittorsaat

√ Mascarpone alussaammut ataatsimut

√ 0.5 purløgit qilertat

√ 2 fennikelit

√ 2 tomatit

√ 1 olivenit qernertut igalaaminermiut

√ 1 skalotteløgi

√ Persillet

√ 1 dl vindruekerneuulia

Meeqqanut naleqquppoq: Aap

Qalerallit nerpii aassikkat taratserlugillu qasilitsulikkit. Punneq aqilisitaq persillellu aserorterummi akulerulluakkit. Raspit immussuarlu akulerutikkit. Qalerallit nerpii akuukkamik persillelimmik taneriarlugit kissarsuummi 160C-inngorlugu kissariikkami minutsit qulit aqqaneq-marlullu akornanni sivisussusilimmik uukkit.

Perlebygit:

Skalotteløgit mikisuaranngorlugit aggoriarlugit igami annikitsumik uulialikkami kajortinnagit siakkit. Perlebygit kukkukuullu qajua kimittorsaat akuleruteriarlugit minutsit 30-t missaanni sivisussusilimmik qalaartikkit. Immussuaq, punneq purløgillu perlebyginut akuleruteriarlugit aalakkit aamma taratsunik qasilitsunillu mamarsaasikkit.

Fennikelit:

Fennikelit averiarlugit avitat sisamanngorlugit takisuunngorlugillu aggukkit. Tomatit sisamanngorlugit aggorialugit kigutaajariarlugillu kipparissuaranngorlugit aggukkit. Skalotteløgi mikisuaranngorlugu aggoriarlugu olivenit qernertut aggukkit.

Fennikeli imermi annikitsumik taratsikkami minutsit arfineq-pingasut missaanni sivisussilimmik aalartiguk. Akuutissat sinneri akuleruteriarlugit qalaartilluakkit aamma taratsunik qasilitsunillu mamarsaasikkit.

Uulia persilleligaq:

Persillet imermut errortorluariarlugit imermut qalaartumut sivikitsumik kineriarlugit imermut sikulimmut kinillugit nillorsikkit. Persillet siggoriarlugit aserorterummi uulialeriarlugit aserortikkit. Uulia persilleligaq nakkalatserutikkut kuiguk uninngatillugulu, uninngatereerukkulu uulia kinnganikoqanngitsoq kisiat atoruk. Tarajuaqqanik mamarsaaseruk.

Perlebygit puuguttamut niukkit, fennikelit eqqaannut ilikkit, qaleraliup nerpia perlebygit qaavannut iliuk puugutarlu kaajallallugu uulialeruk.

Asseq

 
 

Royal Greenland aperiguk

i
Write the text from the image