Royal Greenlandi aalisakkanik tamanit illinnarnerpaanik tunisassiortuuvoq, avataanilu qerititikkat pitsaassutsimikkut pitsaanerpaat ilagilluinnarpaat.

Royal Greenlandip tunisassiai aalisakkanik avannaarsuani issittup imaaneersunik aamma immani kissarnerumaani Asiameersunik amerlasuunik qinigassaqartitsipput. Tunisassiatsinnik nutarsaajuartuuvugut, ingerlaavartumillu tunisassianik nutaanik pilersuisuulluta.

Tunisassiaativut tassaapput saarulliit, kapisillit, oquuttat kiisalu nalinginnaannginnerusimasut soorlu qalerallit, kulmule-t, suluppaakkat aamma hokit. Aalisakkat taakku ilaasa nerpii assigiimmik tiggusimassuseqarput, taamalu nerisassianut ilitsersuutini paarlaallugit atorneqarsinnaallutik. Nerisassianut ilitsersuutit nittartakkamut danskinut naleqqussakkami aamma takukkit. 

Avaataani qerititat

Aalisakkat qaleruallillu kilisaatini qeritinneqaraangamik pisarineqarnerminnit nalunaaquttap akunneri arlaliannguit atorlugit qeritinneqartarput. Aalisakkat avataani suliarineqartut qeritinneqartullu pitsaassutsimikkut aalisakkamit nutaamit allaat pitsaanerusinnaapput – taasarparput AVATAANI QERITITAQ.

Aamma takuuk nerisassianut tunngasunik sullissivik imaluunniit nittartagaq danskinut naleqqussagaq.

Royal Greenlandip poortuutai isumannaatsuupput, takujuminarlutik avatangiisimillu eriaginninneq aallaavigalugu suliaallutik.

Poortutissiornermi periutsimik ineriartortitsineq Royal Greenlandimit qanimut malinnaavigineqarpoq, pilersuisugullu qanimut suleqatigaavut poortuutissiornermi nutaanerpaanik nutaaliornerlu aallaavigalugu sulianik tunniussisinnaaqqullugit.

Poortuutissaativut kusanartumik ilusilersugaapput, passukkuminarlutik  tunisassiaatittalu pitsaassusaannik pitsaanerpaamik qulakkeerinnittuullutik.

 

Poortuutissat pinngortitamik eriaginninneq aallaavigalugu                                                             

Royal Greenlandimi poortuutissanik atuinitsinnik killilersimaarinninneq pingaartitaraarput, kiisalu poortuutissianik sapinngisamik atoqqiineq atugaralutigu. Pinngortitamik eriaginninneq aallaavigalugu poortuutissanik atuineq Royal Greenlandip pinngortitaq pillugu periusissiaanik nassataqarpoq.

Tunisassiap akui pillugit annertunerusumik paasisaqarit.

 
 

Royal Greenland aperiguk

i
Write the text from the image