Royal Greenlandimi aalisakkat pitsaanerpaat seernartuleriaatsinut pujuueriaatsinullu atortarpavut, taamalu mamarunarsaarluakkanik pujuukkanik seernartulikkanillu tunisassiaateqarluta.

Royal Greenlandi Kalaallit Nunaanneersunik qaleralinnik, Norgemeersunik kapisilinnik kiisalu Danmarkimeersunik eqalunnik pujoorisarpoq. Pujoorisarneq aalisakkap  sivisunerusumik piunissaa siunertaralugu ileqquusimavoq, massakkulli aalisagaq pujoorneqartarpoq mamarluinnartumik tipigissumik mamassuseqartarnera pissutigalugu. Royal Greenlandi pujuukkanik seernartulikkanillu immikkut pitsaassusilinnik aamma tunisassiaqarpoq, aqajai peerlugit pujuukkanik, taamalu assigiianik angisuunik aappalungusersunik kusanarluinnartunik tunisassiaateqarluni.

Nillertumik pujoorineq

Royal Greenlandimi qisussiassat aamaartut pujoorinermut atortarpavut, pujuukkallu tamarmik assaannarmik suliarineqartarput. Siullertut aalisagaq tarajorterneqartarpoq. Tamatuma kingorna pujoorivimmut ikineqartarpoq, aalisakkap suunera apeqqutaatillugu nalunaaquttap akunnerini 4-niit 12-t angullugit pujoorneqartarlutik , 21 ° C –miit 23 ° C angullugu kissasulimmi.  Pujuukkap tikkata mamassuseq immikkuullarilluinnartoq pilersittarpaa.

Kissartumik pujoorineq

Kissartumik pujuukkat mattunerusumik nerpeqartarput nillortumillu pujuukkanit sakkortunerusumik mamaqartarlutik, pujoornerisa nalaanni kissarnerusumik pujoorneqartarnerat pissutigalugu. Pujoorineq  70 °C-nik kissassusilimmi nalunaaquttap akunnerini 2-3-ni pisarpoq. Taakku aamma assaannarmik suliarineqartarput.  

Seernartuliineq

Kapisillit mamarsaaserlugit tanitat inuppassuarnit ilisimaneqarput. Nunani avannarlerni qangarsuaaniit aalisakkanik asiutitsinaveersaanermi tamanna atorneqartarpoq, sioraasanik, taratsunik akuutissanillu  assigiinngitsunik aalisakkat taninneqartarlutik. Ileqqoq malillugu akuutissat soorlu qasilitsuaqqat (dild) aamma kakillarnat paarnai atorneqartarput, Royal Greenlandili nutaaliaanerusumik aamma periuseqarpoq soorlu citronit, lime aamma qasulitsut assigiinngitsut atortarlugit. 

 
 

Royal Greenland aperiguk

i
Write the text from the image