You have an outdated browser

Please update your browser

Update browser
Paasisaqarnerugit Aalisakkat tukertitaanngitsut

Qeeraq

Qeeraq, aamma immap amaruanik taaneqartartoq, nukittuunik alleroqarlunilu angisuunik, alleruaniittunik qarngatalu qilaavaniittunik, kiguteqarpoq

Qeeraq (Anarhichas Minor) nukittuunik allerulittut angisuunillu, ukiut tamaasa taarsertartunik, kigutilittut ilisimaneqarpoq. Qeeraq, nunatsinni toornilittut ilisimaneqartoq, nunatta kujataata kitaaniit avannaata kitaani Upernavik aammali kangiani Tasiilaq tikillugu uumasuuvoq.

Qeeqqanik tunisassiat

Qeeqqat niuerutissatut aalisarneqanngimmata Royal Greenland qeeqqanik annikitsuinnarnik tigusisarpoq. Tunineqartut uulliatut Nuummi tunisassiarineqartarlutillu (by)-mi ukiukkut qullukkiarineqartarput.

Qeeraq toornilik 145 cm angullugu takitigilersinnaallunilu 20 kg-nik oqimaassuseqalersinnaasoq ukiut 14-it tikillugit uumasinnaavoq

Qeeraq immami

Qeeraq toornilik kajortumik sungaangajattumik qalipaateqarlunilu timimigut, niaqqumigut qaaminilu avaleqqamigut taartunik toorneqartiterpoq. Takisuujullunilu niaqukkaajuvoq, qaamigullu kiisalu itimi nalaatigut takisuumik avaleraqarpoq. Nukittorujussuarnik, kigutinik angisuunik, ukiut tamaasa taarsertartunik, ulikkaartunik alleroqarpoq. Aalisagaq orsuarnilaartuummat nerpii vitamininik mineralinillu, matumani ilaatigut omega-3-nik, selenimik, jodimik E-vitamininillu, akoqarpoq.

Qeeraq immap naqqani 500-600 meterinik itissusilimmi marrammi sioqqaniluunniit aqitsuni uumasuusoq kangerlunni uumasuukkajuppoq. Tassani uillunik, qalerualinnik siuteqqunillu nerisaqartarpoq. Nerinermini qaleruat alleqquni nukittuut kigutinilu ipittut atorlugit aserortertarpai.

Qeeraq upernaakkut suffisartoq 50.000-it tikillugit manniliorsinnaavoq

Niuerfimmut aqqut

Pingaarnertut aalisartut umiatsiaararsortut qeeqqat annikitsuinnaat tunisarpaat. Tamatuma kingorna uullianngorlugit qullukkiaralugilluunniit Royal Greenlandip tunisassiorfiini tunisassiarineqartarput, kingornalu nunatsinni niuertarfinni tuniniarneqartarlutik. Tamatuma saniatigut nunarput tamakkerlugu igaffissuit, nerisarfiit neriniartarfiillu qeeqqanik Royal Greenlandimi pisisinnaapput. Qeeqqanik tunisassiat Danmarkimi Kalaallit Illuinit kiisalu Danmarkimi kalaallit peqqissartut illuannit piumaneqarluartarput.

Tamatuma saniatigut nerpinngorlugit aggukkatut Danmarkimi, Frankrigimi Tuluit Nunaannilu tuniniarneqartarput.

Qeeraq iggavimmi

Qeeqqap nerpia flødetut qalipaateqarlunilu aappalaarujussinnaasoq nakernartumik issorsimassuseqarlunilu uunneqaraangami qaqqorissisarpoq.

Qeeraq suliariuminartuullunilu nerisassiariuminarpoq. Isseqarnera mamaalu tammartikkumanagit kissarpallaanngitsumik uullugu pitsaanerusarpoq. Qeeraq sianneqarsinnaallunilu, aalartinneqarsinnaallunilu meuniéretut, tassa qajuusanik qalleriarlugu siatatut, nerisassiarissallugu naleqquppoq.

Paasisaqarnerugit Saarulliit Nutaaq®-tut tunisassiat
...