Ingerlatsineq suleriuserlu
Naleqalersitsiartorluni ingerlatsinermi tamarmi suleriuseq allanngorartoq
Royal Greenlandip piujuartitsineq siunertaralugu suliniutaa suleqatigiinnit pisortaanermit aqunneqartunit qaammatit pingasukkaarlugit suliarineqartarpoq. Suliniut pisortaqatigiinniit akuerineqartarlunilu siulersuisunut ukiumut ataasiarluni saqqummiunneqartarpoq.
Naleqalersitsiartorluni ingerlatsinermi tamarmi suleriuseq allanngorartoq
Piujuartitsineq pillugu suliniut pisortaqatigiinnit akuerineqarlunilu siulersuisunut saqqummiunneqartarpoq.
Suliniut pillugu siunnersuutit aalajangiiffigineqartussat Ingerlatseqatigiinnit, pisortaqatigiinnit kiisalu Attaveqatigiinnermut immikkoortortamiit, Sulisoqarnermut immikkoortortamiit, Nittarsaassinermut immikkoortortamiit aamma Sustainabilitymiit - tassa piujuartitsinermik suliaqartunik, ingerlatsinermik suliaqartunik ilaqartunut saqqummiunneqartarput. Suleqatigiit qaammatit pingasukkaarlugit naapittarput, ataatsimiinnerlu ataaseq ukiumoortumik naliliinissamut atorneqartarpoq. Ataatsimiinnerit Corporate Sustainability Manager ikiortigalugu pisortaanermit aqunneqartarput. Pisortaqatigiit pingaarnertut aalajangiisuusarput.
Piujuartitsineq pillugu suleqatigiit ineriartornerit assigiinngitsut malinnaavigalugillu, maleruaqqusanik atuutsitsinermik suliaqartarlutillu pitsanngorsaalluni suliniutinik assigiinngitsunik siunnersuuteqartartuupput. Piujuartitsineq pillugu suleqatigiit tamatuma saniatigut soqutigisaqartunut atuutsitsilernissaq pillugu suleqataallutillu piujuartitsineq pillugu ukiumoortumik nalunaaruteqarneq akisussaaffigaat.
Iliuusissatut periusissap atuutsilernera suliaqarfinni attuumassuteqartuni annermik pisarmat suliaqarfiit pineqartut suliniutinut ataasiakkaanut naammassinninnissamut aamma akisussaasuupput.
Tamakkiisumik isiginnilluni suleriuseq
Piujuartitsineq siunertaralugu suliniutit nutaat tamakkiisumik isiginnilluni suliarineqartarnissaat kissaatigaarput. Taamaammat pilersaarusiornermi, aallartisarnermi, tunisassiornernik nutaanik aallartitsilluni ingerlatsinermi suliniutinilu allani pingaartitat sisamat ilaatinneqartarput.
Pingaartitat sisamat taamaalillutik suliffeqarfiup iluani ataqatigiilersitsillutillu naleqalersitsiartornerup iluatsinnissaanut pisariaqarput. Taamaaliornikkut piujuartitsilluni niuerneq qulakkeerneqarlunilu inuiaqatigiinnut sunniuteqarluarneq qaffallunilu sunniinerlunneq annikillisinneqassaaq.
