M/tr Sisimiut – Paasissutissat

”Sisimiut” nutaaq Atlantikup avannaata imartaani, ilaatigut issittorsuusinnaasartumi sikuusinnaasartumilu, aalisarsinnaanngorlugu ilusilersugaavoq nutaalianillu atortulersugaalluni, taamaammat inuttanut suliffissaavoq nutaaliaasoq pitsaalluinnartorlu. Kilisaat qanittumi Tunup imartaani qaleralinnik aalisalersinneqarpoq, aasallu ingerlanerani nunatta kitaata imartaanut ingerlaassaaq.

Aalisarneq tunisassiornerlu nutaaliaalluinnartut

Kilisaat aalisakkat sumiiffissinissaat aalisarnerullu nalunaarsorneqarnissaa pillugit atortunik teknologiiusunik ulikkaarpoq. Aalisaatit tunisassiassat pitsaanerpaat aalisassallugit ilusilersugaapput, kilisaammilu tunisassiorfik amuarsimatsiaannaq sukkasuumik naapertuuttumillu tunisassianik suliaqartussanngorlugu atortulersugaavoq. Aalisakkat qaqinneqartut tamarmik ataasiaannaq suliarineqartarput tunisassiallu tamarmik qeritinneqartinnagit pallitsinut iliorarneqartarput. Piffinni aalisakkeriviusuni tamani eqqiluisaaarnerup pitsaanerpaajunissaa anguniarlugu kilisaatit, tunisassiorfiup qeritsitsiveqarfiullu qaavi tamarmik saviminermik manngertornersinnaanngitsumik sanaajupput.

Erfalasoq nunalu: Kalaallit Nunaat, Nuuk

Aalisarsinnaaffiit: DNV 1A1 ICE 1A*

Uuttuutit pingaarnerit: Takissusaa: 82,02 m Silissusaa: 17 m.

Portussusaa: 24,15 m (aquttarfiup qaarpiaa tikillugu)

Aalisakkanik sumiisusersineq: ekkolodimik itissusersiuutit pingasut, immami sumiissusersiuutit sisamat, GPS, uuttuinermut atortut, nalunaarsuutit kilisaatinik nakkutilliinermi atortut

Amuarsinnaasat: 3 x 40 ton

Tunisassiornermut atortut: atortut Carsoe-meersut, qaleralinnik, saarullinnik, misaqqarnanik saarulliillu arlaannik tunisassiornissamut tulluarsakkat

Qerisuuteqarsinnaassuseq: Ullormut 65 ton

Kilisaatip qaavani kranit: Saarleq: 3 ton/10 m

Qeqqani: 5 ton/15 m, tunorleq: 7,5 ton/16 m

Elevatoreqarfiit:   Usinik sukkasuumik usingiaanissamut atortut

Sumiluunniit ingerlatsinermi tulluarsagaq

Kilisaatip timitaata ilusilersorneqarnera sukkassusermut, aalisariutsinut assigiinngitsunut useqarsinnaassusermullu tulluarsagaavoq. Umiarsualiorfimmit Norgimiittumit Skipsteknisk-imit ilusilersorneqarpoq. Aalisarfiit avinngarusimasut, aalisarluarnissaq, immami tunisassiorneq, avatangiisinik mingutsitsinani tulaqqasinnaaneq assigisaallu pisinnaasat minnerpaaffissaat atorlugit naammassisinnaajumallugit kilisaat ilusilersoqqissaagaavoq.

Motoori: MAN motor 9L32/44Common Rail 5400 kW, 750 rpm

Motoori ikuffartuut: 2x MAN Genset 6L21/31, 1254 kW

Aalaq atorlugu uunnaavik: 1x Parat kissarsuut uuliartortuujutigaluni aalaq aniasoq atorlugu uunnaavik. Tiimimut 2000 kg. Ingerlatsinermut aqunnermullu atortut nutaaliat.

Avalannernut sivisunernut tulluarsagaq

Kilisaat Atlantikup avannaata imartaani aalisarnissamut, tassa issittumi avalannernilu sivisunerusuni, tulaqqanernilu atorluaaffiunerusuni atortussanngorlugu nutaalianik atortulerlugu ilusilersugaavoq. Useqarsinnaassusaata avalaqqanerup sivisussusaa aalajangertassavaa, taamaammallu tamakkiisumik pitsaassusiligaavoq.

Useqarsinnaassusaa: 2424,5 m3

Naqitamik uuliaqarfik: 70,91 m3

Imeqarfik: 224,89 m3

Imiliuut: (tarajuujaavimmi): Ullormut 40 m3

Pissarititanik atorluaaneq avatangiiserlu

Immap pissarititaanik tamakkiisumik atorluaaneq ilusilersuinermi ukkatarineqartut pingaarutillit ilagaat. Tamanna peqqutigalugu perlukut saniatigullu pisarineqaratarsinnaasut tamaasa atorluarumallugit nuernikkullu akilersinnaasumik tunisassiariniarlugit qajuusiorfimmik aalisakkallu orsuanik uulialiorfimmik ikkussisoqarnikuuvoq. Aammattaaq nukissamik atuineq atortunillu avatangiisinut mingutsitsisunik atuinissaq minnerpaaffissaaniitinniarlugu arlalinnik suliniuteqartoqarnikuuvoq.

Sumi tamani LED-nik qulleqarneq

Amuarnermi uuliamik userartitseratarsinnaaneq naqitsineq atornagu innaallagiarli atorlugu pinaveersaartinneqarpoq nukissamillu atuineq minnerpaaffissaminiitinneqarluni. Ataavartumik ingerlatsinissaq siunertaralugu ikummatissamik atuinermut atortut kissassuseq qaffasittoq ikummatissamillu atorluaaneq qajannaatsuutippaat.

Imermut errotuutikumut sananeqaatit atorlugit minguiaaneq.
Qajuusiorfik/uulialiorfik atorlugu aalisakkamik tamakkiisumik atorluaaneq.
Taamaallaat marinegas-uuliamik (annerpaamik ikuallassaat 0,1%) – ikummatissaq oqimaatsoq atorneqanngilaq.

Inuttanut tamanut najoruminarsaaneq

Kilisaat ukiup affaa inuttanut angerlarsimaffiusarmat pisatsersornera najoruminarsagaaneralu ilusilersuinermi pingaaruteqarput. Atortussanik qalipaatinillu toqqaanerup, aamma ineeqqanik kisermaattarissanik pingaartitsinerup kilisaat najoruminarluinnartuutippaat.

Pingaarnertut ineeqqat kisermaattarissat
Isersimaartarfiit eqqissisimaartarfiillu inituut
Timigissartarfik
Kusanartumik pisatsersuineq igalaallu angisuut
Kalaallit, savalimmiut danskillu eqqumiitsuliaat iikkani nivingasut

 
 

Royal Greenland aperiguk

i
Write the text from the image