Inuiaqatigiuussutsimi akisussaaffeqarneq
Inooqatigiinnikkut akisussaassuseqarnerput suliffeqarfitsinni akuulluinnarpoq
Suliffeqarfittut nunarsuarmi siammarsimasutut sumiiffimmi akuuffigisatsinni ikorfartuissalluta immitsinnut pisussaaffilerpugut.
Royal Greenlandip ilisarnaatigaa inuiaqatigiinnit kalaallinit aallaaveqarnini. Tamanna isumaqarpoq nunarsuarmi sumiluunniit takkorliuunnitsinni suliffeqarfipput kisiat pinnagu Kalaallit Nunaat sinniisuuffigisaratsigu. Nalunngilarput suliavut tamarmik inuiaqatigiit kalaallit ineriartortinneqarnerannut sunniuteqassasut.
Inuiaqatigiinni kalaallini suliavut
Suliffeqarfipput Kalaallit Nunaanni annerpaavoq, taamaattumillu suliffeqarfittut piunissarput iluatsittumillu ingerlatsinissarput inuiaqatigiinni kalaallini pingaaruteqarluinnarput. Tamanna tunngavigalugu Royal Greenlandimi tunisassiat pitsaalluinnartut kisiisa suliarissallugit akisussaaffiginngilarput – Kalaallit Nunaannili suliffisaqartitsinissaq aamma akisussaaffigalutigu. Taamaattumik aalisarnikkut aamma inuiaqatigiinni kalaallini piorsaanikkut siuuttutut inissisimavugut.
Suliffissanik piujuartitsineq
Kalaallit Nunaata imartaani aalisaraangatta pisatta 25 %-iisa missaat Kalaallit Nunaanni tunisassiorfinnut tulaatissallugit pisussaaffigaarput, nunami suliffissanik piujuartitsinissaq siunertaralugu. Taamaattumik Kalaallit Nunaata sineriaani Royal Greenlandi 20-t missaannik amerlassusilinnik suliffissuaateqarlunilu tunitsiviuteqarpoq, pisussaaffik tamanna piviusunngortinniarlugu, kiisalu aalisakkat pisarineqartut erngertumik tunisassiarinissaat anguniarlugu.
Pisortatigoortumik ingerlatsineq / Public Affairs
Namminersorlutik Oqartussat suliffissuarmik Royal Greenlandimik piginnittuupput. Tamanna isumaqarpoq Royal Greenlandimi aalajangersaanitsinni tamani inuiaqatigiinnut akisussaassuseqarnerput aallaavigalugu iliuuseqartussaagatta. Tamatumalu nassatarisaanik aamma periarfissamik immikkuullarilluinnartumik periarfissinneqarpugut, tassalu aalisarneq, avatangiiseq, pisassiissutit allallu pillugit aalajangiisartut Naalakkersuisut aamma Inatsisartut qanimut oqaloqatigisinnaagatsigit.
Silap pisussaata allanngoriartornera
Kalaallit Nunaat nunami issittumiippoq, taamalu silap pissussaata allanngoriartornera oqaluuserineqartillugu Kalaallit Nunaat akuttunngitsumik eqqaaneqartarluni. Silap pissusaata allanngoriartornerata nassatai Royal Greenlandimi ingerlatsinitsinni ullut tamarluinnaasa malugisarpavut.
Silap allanngorarnerata naleqqussarfiginissaa aamma Kalaallit Nunaanni aalisarnikkut tunisassiornerup, inuiaqatigiinnut kalaallinut pitsaanerpaamik angusaqarfiullluni, qanoq ineriartortinneqartariaqarnersoq pingaarnertut aallutaraavut.
