Tapiissutit

Royal Greenlandip tapiisarnermut maleruagassiaata marloqiusaasup atuarneq ilinniartitaanerlu aammalu timersorneq tapiissuteqarfigisassavai.

Atuarneq ilinniartitaanerlu pillugit suliniutit

Royal Greenland meeqqat atuarfianni atuartut inuusuttullu ilinnigaqartut ilinniagaqarnernut, pikkorissarnernut il.il. atugassaannik tapiissuteqartassaaq.

Suliniutit atuaqatigiiaat, eqimattat qinnuteqartullu ataasiakkaat atuartitsissutini qallunaatut, tulluttut, matematikimi aamma pinngortitalerinermi pikkorissarnissanik siunertallit kiisalu piginnaanngorsarluni pikkorissarnissat ataasiakkaat tapiiffigineqartassapput makkuusinnaallutillu:

Oqaatsitigut pikkorissarnerit ilinniartitsissutinilu qulaani taaneqartuni pikkorinnerulernissaq anguniarlugu pikkorissarnerit allat
AFS-erniartut, efterskolerniartut il.il.
Inuusuttut ilinniagallit suliffissarsiortullu ilinniagaqalernissartik siunertaralugu atuartitsissutini qulaani taaneqartuni karakteriminnik pitsanngorsaarusuttut
Atuaqatigiiaanut eqimattanullu ilinniartitsissutini qulaani taaneqartuni piginnaasaqarnerulernissaat siunertaralugu pikkorissaanerit.

Kikkut qinnuteqarsinnaappat?

Meeqqat atuarfianni atuartut, inuusuttullu ilinniagallit aamma angajoqqaat
Sivikinnerusumik sivisunerusumillu suliffeqarsimanngitsut Kalaallit Nunaanni najugallit
Ilinniartunik siunnersuisartut, ilinniartitsisut, siunnersorti il.il.

Qinnuteqaat uppernarsaatilllu

Qinnuteqaatit tapiissuteqartarnermut ataatsimiititaliami nalilersorneqarsinnaassappata uppernarsaatit makku qinnuteqaammut ilanngunneqassapput:

Qinnuteqaat tunngavilersugaq
Atuarnissami pikkorissarnissamiluunniit pineqartumi peqataanissamut akueritissimanermut uppernarsaat
Angajoqqaat namminerluunniit ukiumut isertitaannik uppernarsaat. Iseritakinnerit tapiiffigineqarnissamut salliunneqartarput
Najugaqarnermut uppernarsaat
Ilinniartuuguit – atuarfigisannit ilinniartuuninnut uppernarsaat.

Tapiissutit qaqugukkut tapiissutigineqartassappat?

Tapiissutit ilinniarnerup pikkorissarnerulluunniit aallartinnginnerani ingerlaneraniluunniit tunniunneqartarput.

Pikkorissarneq, efterskolerneq il.il. pillugit quppernernik ikinnerpaamik marlunnik allaaserinnittoqarsinnaavoq.

Timersortartunut tapiissuteqartarnerit

Tapiissuteqaatit tapiissutigineqartassapput:

Inuiaqatigiinni timersornermik aallussaqarnerit Kalaallit Nunaanni Timersoqatigiit Kattuffiannik aamma Arctic Circle Racemik ukiumoortumik isumaqatigiissusiornikkut
Timersortartunut Elite Sport Greenlandimit piukkunnaatilittut toqqakkanut.

Timersortartunut piukkunnaatilinnut tapiissuteqarnissami piumasaqaataavoq aallunniakkamik allaaserisaqarneq aningaasatigullu missingersuusiorneq. Timersortartunut piukkunnaatilinnut tapiissutit aallunniakkap aallartinnginnerani ingerlanneranilu aammalu tassunga atatillugu nalunaarusiornissamik isumaqatigiissuteqarnikkut tapiissutigineqarsinnaapput.

Qinnuteqarneq

Tapiisarnermut ataatsimiititaliap qinnuteqaatit nalilersorlugillu tapiissutinik agguaasarpoq.

Tapiiffigineqarnissamik qinnuteqaatit ukununnga nassiunneqarsinnaapput: