Timersortartut piukkunnaatillit tapersersorpagut
Royal Greenlandip timersortartut piukkunnaatilittut Elite Sport Greenlandimit toqqakkat tapersersorpai.
Ilaatigut Martin Møller 2012-imili tapersersugarilerparput. Martin pillugu quppernerup matuma saamiatungaani paasisaqarnerusinnaavutit.
Karl-Peter Kristensen ukiuni kingulliunerusuni tusarfigillattaalersimasarput ujakkaartartuuvoq aamma piukkunnaateqarluartoq. Karl-Peter ima ingerlalluartigilereersimavoq allaat siorna Østrigimi ujakkaartoqarmat Martinimit minutsi sinnilaarlugu kingulliusimalluni. Karl-Peter Martinilu Korea kujallermi 2018-imi OL-eqarnissaanut anngunniarlutik suliniuteqarput.
